Ander Okamika, Euskaltel-Euskadiren bosgarren fitxaketa
Lekeitioko txirrindulariak denboraldi baterako sinatu du, azken seiak Burgos BH taldean eman ondoren, eta 2027an esperientzia ekartzeko asmoz iritsi da talde laranjara.
Euskaltel-Euskadik ofizial egin du Ander Okamikaren fitxaketa 2027ko denboraldirako. Lekeitioko txirrindulariak urtebeterako sinatu du eta Burgos BH taldetik dator, sei denboraldiz aritu den taldetik.
Okamika sendotasuna eta esperientzia emateko asmoz iritsi da euskal taldera, "Vueltako hiru ekitaldi lehiatu" ondoren, adierazi dute Euskadi Fundaziotik. "Eliteko triatloitik etorria, Espainiako txapeldun izatera iritsi zen. 2020an txirrindularitzara eman zuen urratsa, agerraldi bikainarekin, erlojupeko Espainiako txapeldun eta ordekako txapeldunorde elite mailan, hain zuzen ere", gehitu dute.
Bestalde, Ander Okamikak esan duenez, "Euskaltel-Euskadi taldearekin sinatzeak ilusio berezia egiten dit etxeko proiektu da-eta: alde batetik, talde honetan lehiatzeko aukera izateagatik; bestetik, jende ezagunarekin taldea partekatzeko aukera izateagatik. Eta Mikelen (Landa) itzulerak ilusio asko piztu ditu. Horrek guztiak itxaropen handia helarazi du taldearen inguruan datorren urteari begira. Pertsonalki, urte gogorra izaten ari da lesio batengatik. Baina talde proiektu honek egunero lanean jarraitzeko gogoa ematen dit. Hori dela-eta, datorren urtean nire maila onena lortzea espero dut".
Okamikak eroriko bat izan zuen Itzulian, eta horrek belaunetako batean kalteak eragin zizkion. Gaur egun gaitz hori sendatzeko azken fasean dago. Lekeitioko txirrindulariarena Euskaltel-Euskadoren bosgarren fitxaketa da 2027ko denboraldirako, Mikel Landa, Marco Martín, Hodei Muñoz eta Felipe Orts fitxatu ondoren.
Zure interesekoa izan daiteke
Iuri Leitaok beste bi urtez jarraituko du Caja Ruralen
Txirrindulari portugaldarrak, Madisoneko txapeldun olinpikoa Parisen, bere urrezko domina defendatuko du Los Angeleseko Jokoetan, talde berdeko kirolari gisa.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.
Txomin Juaristik Euskaltel-Euskadi taldean jarraituko du 2028ra arte
"Hemen hezi eta hazi naiz txirrindulari bezala eta, gainera, Mikel Landarekin taldea partekatzea beste amets bat betetzea izango da. Idolo bat ondoan izatea eta elkarrekin maillot bera defendatzea ikaragarria izango da", nabarmendu du 31 urteko txirrindulari markinarrak.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Tarling harrapatu zuen autoa ibilbidean nola sartu zen ikertzen ari dira
Poliziaren bozeramaile baten kontakizunari esker, Portugalgo Voltan txirrindulari galestarra hil aurretik gertatutakoari buruzko xehetasun gehiago jakin ahal izan dituzte.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
Jonathan Lastrak Euskaltel-Euskadi taldean jarraituko du 2028ra arte
Horrela, 2026an talde laranjara iritsi ondoren, bi aldeek beste bi urterako kontratua sinatu dute. Bizkaitarrak 11 denboraldi daramatza profesional bezala, 2016tik, eta ibilbide horretan bost Vuelta eta bi Giro korritu ditu.