Txomin Juaristik Euskaltel-Euskadi taldean jarraituko du 2028ra arte
"Hemen hezi eta hazi naiz txirrindulari bezala eta, gainera, Mikel Landarekin taldea partekatzea beste amets bat betetzea izango da. Idolo bat ondoan izatea eta elkarrekin maillot bera defendatzea ikaragarria izango da", nabarmendu du 31 urteko txirrindulari markinarrak.
Txomin Juaristi, lasterketa batean. Irudia: Euskadi Fundazioa
Euskaltel-Euskadi taldeak iragarri du Txomin Juaristi txirrindulari bizkaitarrak 2028ra arte luzatu duela kontratua eta hamaika denboraldi jarraian egingo dituela talde laranjan.
31 urteko Juaristi datorren denboraldirako baieztatutako hamalaugarren txirrindularia da, Jonathan Lastra, Jon Agirre, Xabier Berasategi eta Gotzon Martin ere berrituta eta Mikel Landa, Marco Martin, Hodei Muñoz eta Felipe Orts fitxatuta. Gainera, Yago Agirre, Samuel Fernandez, Iker Mintegi, Gari Ugarte eta Axel van der Tuuk txirrindulariek kontratua dute 2027rako.
Markina-Xemeingo txirrindularia "itzulietan eta erlojupekoetan taldeko erreferente handienetako bat" dela uste du Euskaltel-Euskadik, eta erlojupekoan lortu zuen orain arte bere garaipen profesional bakarra 2023ko Portugalgo Itzuliaren azken etapan.
"Poz handia da Euskaltel-Euskadirekin beste bi urte berritzea. Hemen txirrindulari bezala hezi eta hazi naiz, eta, gainera, Mikel Landarekin taldea partekatzea beste amets bat betetzea izango da. Idolo bat ondoan izatea eta maillota bera elkarrekin defendatzea ikaragarria izango da", azpimarratu du Juaristik.
Jorge Azanza talde laranjako kirol arduradunak nabarmendu duenez, txirrindulari bizkaitarra "proiektu honekiko fideltasunaren, jarraikitasunaren eta konpromisoaren adibide ezin hobea da".
Zure interesekoa izan daiteke
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Tarling harrapatu zuen autoa ibilbidean nola sartu zen ikertzen ari dira
Poliziaren bozeramaile baten kontakizunari esker, Portugalgo Voltan txirrindulari galestarra hil aurretik gertatutakoari buruzko xehetasun gehiago jakin ahal izan dituzte.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
Jonathan Lastrak Euskaltel-Euskadi taldean jarraituko du 2028ra arte
Horrela, 2026an talde laranjara iritsi ondoren, bi aldeek beste bi urterako kontratua sinatu dute. Bizkaitarrak 11 denboraldi daramatza profesional bezala, 2016tik, eta ibilbide horretan bost Vuelta eta bi Giro korritu ditu.
Vingegaardek bukatutzat eman du bere denboraldia, Frantziako Tourrean erorikoa izan ostean
"Tourraren ostean sendatzeko denbora bat aurreikusita genuen. Baina lepauztaiko lesioa dela eta, entrenamenduetara itzultzeko data atzeratu egin da, eta ezin naiz maila gorenera laster bueltatu", azaldu du txirrindulari daniarrak.
2026ko Alemaniako Itzuliaren etapa guztien profilak eta ibilbideak
Alemaniako Itzulia abuztuaren 19tik 23ra bitartean jokatuko da, eta Bad Orben hasi eta Heilbronnen amaituko da. EITBk lasterketaren bost jardunaldiak, zuzenean, eskainiko ditu.