Gotzon Martinek 2028ra arte berritu du kontratua Euskaltel-Euskadi taldearekin
Txirrindulari bizkaitarraren ibilbide osoak lotura estua du Euskadi Fundazioarekin. 2026an, taldeari UCI puntu gehien eman dizkion bigarren txirrindularia izan da.
Gotzon Martin, lasterketa batean. Irudia: Euskadi Fundazioa
Gotzon Martin txirrindulari bizkaitarrak (1996, Orozko) beste bi denboraldirako berritu du kontratua, 2028ra arte, Euskaltel-Euskadirekin, eta, beraz, hamar urte baino gehiago beteko ditu talde laranjan, Euskadi Fundazioak astearte honetan jakinarazi duenez.
Martinen txirrindularitza ibilbide osoa Euskadi Fundazioari estu lotuta dago. Bere eskoletan hasi zen Gela Pedagogikoaren bitartez, amateur mailan lehiatu zen Fundazioarekin 2015 eta 2017 artean, eta profesional bihurtu zen 2018an, taldea itzuli zenean.
2020tik elitean lehiatzen da ProTeam kategorian, eta taldeko erreferente nagusietako bat da. Vueltako hiru ediziotan (2021, 2022 eta 2024) parte hartu du. 2026an, Gotzon da taldeari UCI puntu gehien eman dizkion bigarren txirrindularia.
"Oso pozik nago Euskaltel-Euskadi eta Euskadi Fundazioarekin beste bi urtez korrituko dudalako. Bizi osoa eman dut proiektuan", adierazi du Gotzon Martinek. Bestalde, Jorge Azanza Euskaltel-Euskadi taldeko kirol arduradunak adierazi duenez, "Gotzonek kontratua berritzea poz handia da guztiontzat ".
Martinen berritzea talde laranjako lau fitxeketei (Mikel Landa, Marco Martin, Hodei Muñoz eta Felipe Orts) eta 2027ra arte kontratua indarrean duten bost txirrindulariei (Yago Agirre, Samuel Fernandez, Iker Mintegi, Gari Ugarte eta Axel van der Tuuk) gehitu behar zaie.
Zure interesekoa izan daiteke
Haugsetek irabazi du sari potoloa, Kopeckyren eta tropelaren jazarpenari eutsi egin baitio
Norvegiarra hirugarren etapan nagusi izan da, eta maillot horia ere jantzi du. Uno-X Mobility taldeko txirrindulariak Lotte Kopecky (SD Worx) belgikarraren jazarpenari eutsi dio. Usoa Ostolaza laugarren izan da helmugan.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Wiebesek beste garaipen batekin eutsi dio maillot horiari
SD Worx-Protime taldeko herbeheretarrak bere legea ezarri du berriro esprintean, Genevako helmugan bigarren garaipena jarraian lortzeko.
Natnael Tesfatsionek irabazi du Getxoko Zirkuitua
Natnael Tesfatsion (Movistar) eritrearra nagusitu da 2026ko Getxoko Zirkuituan. Azken metroetako esprint estuan erabaki da garailea, eta euskal txirrindulari ugari izan dira lasterketa bereganatzeko lehian. Helmugan, baina, eritrearra izan da azkarrena, Pau Miquel (Bahrain Victorious) kataluniarra izan da bigarren eta Alex Aranburu (Cofidis) euskalduna, hirugarren.
“Bat, bi, hiru, lau", Remco Evenepoelek euskarari egindako keinua Donostian irabazi ondoren
Belgikarrak sare-argitalpen bat egin zuen, Donostiako klasikoan irabazi dituen aldiak euskaraz kontatuz.
Lorena Wiebes da Tourreko lehen liderra Lausanan irabazita
SD Worx–Protime taldeko herbeheretarra Kim Le Court (AG Insurance–Soudal) eta Demi Vollering (FDJ–Suez) baino azkarragoa izan da esprintean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Evenepoel, Donostiako Klasikoko errege
Remco Evenepoel txirrindulari belgikarrak laugarrenez irabazi du Donostiako Klasikoa, esprintean Richard Carapaz ekuadortarra menderatuta. Horrela, Red Bull-BORA-Hansgrohe taldeko txirrindulariak historia egin du Donostiako Boulevardean laugarrenez txapela jantzita. Pello Bilbao, bere aldetik, bosgarren postuan helmugaratu da.
Jorge Azanza, Euskaltel-Euskadiko kirol zuzendaria: “Ametsa egi bihurtu da"
Miekl Landa Euskaltel-Euskadi taldeko burua izango da 2027tik aurrera, taldeak berak larunbat honetan iragarritakoaren arabera.