Pogacar eta Vollering nagusitu dira Strade Bianchen; Pello Bilbao, bosgarren
Tadej Pogacar (UAE) esloveniarrak hirugarren aldiz irabazi du larunbat honetan Strade Bianche lasterketa, 50 kilometroren faltan erorikoa izan ostean erakustaldia emanda. Pello Bilbao (Bahrain Victorious) bizkaitarra bosgarren izan da, irabazlearengandik lau minutu baino gehiagora. Emakumezkoen lasterketan, Demi Vollering (FDJ) herbeheretarrak bigarren aldiz irabazi du lasterketa, Anna van der Breggen herrikideari lehia ikusgarri batean irabazita.
Pogacarrek oroimenerako garaipena lortu du: ubeldurak egin ditu erorikoaren ondorioz, eta 19 kilometro baino gutxiagoren faltan erasoa jo du Thomas Pidcock britainiarra eta Tim Wellens belgikarra gainditzeko. Horrela, Fabian Cancellara suitzarra berdindu du lasterketa honen historian garaipen gehien lortu dituztenen zerrendan.
UAE Team Emirates-XRG taldea bere liderrarentzat eremua prestatzen joan da, eta erritmo oso bizia jarrita, tropela 30 txirrindularira murriztu du helmugatik 90 kilometrora. Hala eta guztiz ere, Pidcockek aurre egin die eta 78 kilometroren faltan ihes egin du, Pogacar gurpilean zuela.
Biak elkarrekin joan dira buruan, Pogacar erori den arte, baina berehala suspertu da. 19 kilometroren faltan, Colle Pinzuton, esloveniarrak ihes egin du helmuga bakarrik zeharkatzeko.
Volleringek 2023ko koroa berreskuratu du
2023an lasterketa irabazi zuen Demi Vollering herbeheretarrak titulua berreskuratu du.
Mavi Garcia ezustekoa ematen saiatu da, eta minutu bat baino gehiagoko aldea lortu du ihes eginda joan den talde txiki batekin batera, baina FDJ Suezek erritmoa igo du azken kilometroetan Vollering aurretik jartzeko. Volleringek 3 ordu, 49 minutu eta 4 segundoko denborarekin egin du 136 kilometroko ibilbidea.
Lasterketaren historian lehen aldiz, herritartasun bereko bi txirrindulari izan dira podiumeko lehen bi postuetan. Demi Vollering eta Anna van der Breggen; SD Worx taldean aritu ziren biak, elkarrekin, baina orain aurkariak dira. Pauline Ferrand-Prevot frantziarrak (Visma) osatu du podiuma.
GIZONEZKOEN SAILKAPENA
1.- POGACAR Tadej (UAE) 5:13:58
2.- PIDCOCK Thomas (Q36.5) +1:24
3.- WELLENS Tim (uae) +2:12
4.- HEALY Ben (ef) +3:23
5.- BILBAO Pello (Bahrain) +4:20
EMAKUMEZKOEN SAILKAPENA
1.- VOLLERING Demi (FDJ) 3:49:04
2.- VAN DER BREGGEN Anna (SD Worx) +0:18
3.- FERRAND-PRÉVOT Pauline (Visma) +1:42
4.- LABOUS Juliette (FDJ) d. b.
5.- GARCÍA Mavi (Liv AlUla Jayco) +1:47
Zure interesekoa izan daiteke
Laboral Kutxa-Euskadik igande honetan hasiko du denboraldiaurrea, Altean
2026ko denboraldiko taldea osatzen duten hamabost txirrindulariak Alacanteko udalerrian bilduko dira, abenduaren 14tik 21era bitartean.
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".