Murguialday Euskaltel Euskadin ariko da datozen bi denboraldietan; Lopez de Abetxukok kontratua berritu du
Euskaltel Euskadik Jokin Murguialday (2000, Agurain, Araba) fitxatu du. Aguraingo txirrindulariak bi denboraldirako kontratua sinatu du talde laranjarekin; hau da, 2026ko amaierara artekoa. Hala, bada, Murguialdayk 1994an Euskadi Fundazioko lehen taldeko txirrindularia izan zen Javier aitaren lekukoa hartu du.
Horrez gain, Andoni Lopez de Abetxukok (1999, Agurain, Araba) kontratua berritu du Euskaltel Euskadirekin, 2025era arte. Ondorioz, beste urtebete emango du taldean.
Bi txirrindulariak Aguraingoak dira, eta herriko Arabarrak Kirol Taldean eman zituzten lehen pedalkadak. Javier Murguialdayk 1994an Euskadiko maillota jantzi eta hiru hamarkada geroago, bere seme Jokinek Euskaltel Euskadiren elastikoa jantziko du orain. Caja Ruralen, profesionaletan, lau urteko esperientzia du Jokinek. Lehenago, 23 urtez azpiko mailako euskal egutegiko probetan zaildu zen; kategoriako Espainiako txapeldunorde izan zen 2020an, eta emaitza onak lortu zituen beste lasterketa garrantzitsu batzuetan: 2021ean hirugarren izan zen Torres Vedrasen, 2022an Portugalgo Itzuliko gazteen sailkapeneko onena izan zen, bederatzigarren amaitu zuen 2023ko Langkawiko Tourra eta seigarren izan da aurtengo Qinghai Lakeko Tourrean.
Jokin Murguialdayk adierazi duenez, "Euskaltel Euskadik historia handia du, baita zaleen babesa ere, eta edozeini gustatuko litzaioke talde honetan aritzea, are gehiago, euskalduna izanda, etxeko taldea da eta. Ametsa errealitate bihurtu da".
Bestalde, Andoni Lopez de Abetxukok beste denboraldi bat emango du Euskaltel Euskadin jarraituko du beste denboraldi batez. Talde laranjaren eskutik debuta egin zuen profesionaletan 2023an. Gero, 2024an, Andoni hamargarren izan zen Portugalgo Itzulian, etapa bat bigarren bukatuta, eta seigarren izan zen Langkawiko Tourreko beste etapa baten; iaz, garaipenak lortu zuen Portugalen eta Qinghai Lakeko Tourrean. Lopez de Abetxuko "oso pozik" agertu da etxeko taldearekin kontratua berritu duelako.
Hala, bada, Euskaltel Euskadik 15 txirrindulari ditu jada datorren denboraldirako. Jon Agirre, Ander Ganzabal, Paul Hennequin, Jokin Murguialday eta Louis Sutton dira orain arteko bost fitxaketak; gainera, kontratua berritu dute Xabier Berasategi, Mikel Bizkarra eta Andoni Lopez de Abetxuko ziklistek; eta, kontratua indarrean dute 2025era arte Jon Aberasturi, Nicolas Alustiza, Iker Bonillo, Víctor de la Parte, Xabier Isasa, Iker Mintegi eta Unai Zubeldia txirrindulariek.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.