Neilson Powlessek irabazi du Gran Piemonte klasikoa, eta Alex Aranburuk hirugarren postua lortu du
EF Education-EasyPost taldeko Neilson Powless txirrindulari estatubatuarrak irabazi du 2024ko Gran Piemonte klasikoa, Italian, ostegunean. Powless izan da indartsuena Italian jokatutako lasterketan; euskal txirrindulariek proban izan duten ordezkaritzari dagokionez, Movistar taldeko Alex Aranburuk hirugarren postua eskuratu du, irabazlearekiko zazpi segundora helmugaratuta.
Hala, Powlessek, 28 urtekoa bera, garaipen bat gehitu dio orain arte duen palmaresari. 2021ean, Donostiako Klasikoa irabaztea lortu zuen, eta bereziki trebea da egun bakarreko lasterketetan; hori bai, astebeteko itzuli batzuetan, Suitzako Itzulian edo Paris-Nizan kasu, emaitza onak ere lortu ditu. Aurrenekoz gailendu da, orain, 2024ko denboraldian, baina hainbat aldiz izan da irabaztetik oso gertu.
Hain zuzen ere, ohorezko beste bat eskuratu du Alex Aranburu Espainiako txapeldunak. Movistar taldean emandako azken denboraldian, gipuzkoarrak, besteak beste, bigarren postua erdietsi zuen Valoniako Sari Nagusian; Cofidis taldean hasi aurretik, denboraldi oso ona burutu du Aranburuk.
2024ko Gran Piemonteko sailkapena
1 - POWLESS Neilson (EF Education) 3:57:36
2 - STRONG Corbin (Israel) + 0:07
3 - ARANBURU Alex (Movistar) d. b.
4 - MAGLI Filippo (VF Group) d. b.
5 - MEURISSE Xandro (Alpecin) d. b.
6 - JOHANNESSEN Tobias Halland (Uno-X) d. b.
7 - TESFATSION Natnael (Lidl) d. b.
8 - BUSATTO Francesco (Intermarché) d. b.
9 - ZAMBANINI Edoardo (Bahrain) d. b.
10 - MOHORIC Matej (Bahrain) d. b.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.