Cofidis taldeak Alex Aranburu fitxatu du datozen hiru denboraldietarako

Alex Aranburu euskal txirrindularia fitxatu duela iragarri du Cofidis taldeak, datozen hiru denboraldietarako, 2027 amaierara arte. Ezkio-Itsasoko kirolaria Espainiako txapelduna izan zen ekainean. Horrez gain, Parisko Olinpiar Jokoetan parte hartu berri du, Oier Lazkanorekin. Era berean, Frantziako Tourrean, hiru ihesalditan protagonista izan zen, eta Belgikako Itzuliko laugarren etapa irabazi zuen.

28 urterekin, Movistar utziko du Aranburuk talde frantziarra indartzeko, Izagirre anaiekin batera. Cofidis taldeak argitaratutako oharraren arabera, Alex "oso pozik dago beragan erakutsitako konfiantzagatik"; horrenbestez, "ahalegina egingo du behar den maila emateko".