Juanpe Lopezek Alpeetako Tourrean lortu du bere ibilbideko aurreneko garaipena, eta lider jarri da
Lidl-Trek taldeko Juan Pedro "Juanpe" Lopez txirrindulari espainiarrak balentria egin du 2024ko Alpeetako Tourreko hirugarren egunean, asteazkenean; izan ere, andaluziarrak Austriako Tiroleko Schwaz hirian hasi eta bukatu den etapa irabazi du (124,8 kilometroko ibilbidea izan du etapa horrek), eta, halaber, sailkapen nagusiko lider jarri da.
26 urteko txirrindularia bakarka helmugaratu da, aurreneko postuan; lasterketako zati zailenean erasora jo du, eta garaipena jaso du sari gisa. Lidl-Trekeko gizonak helmugarako 26 kilometro eta lau igoera gelditzen zirela egin du aurrera (bi mendate, bina aldiz); orduan, Bardiani taldeko Giulio Pellizzari 20 urteko italiar gazteak ere alde egin du harekin batera.
Eguneko azken igoera Pillberg mendatea izan da; lasterketa bertan zela, gaina harrapatzeko 2,2 kilometro gelditzen zirela (6,6 kilometro etapa bukatzeko), bakarka gelditu da Juanpe Lopez. Pillbergeko pankartapean, 30 segundoko aldea zuen lider berriak; jaitsiera arriskutsua zen, errepidea bustita baitzegoen, eta ez zen erraza abantaila hori kudeatzea.
Hala ere, ez da inolako ezbeharrik izan, eta andaluziarrak irabazi du etapa. Pellizzari 23 segundora helmugaratu da; gerora, zortzi txirrindularik osatutako talde batek zeharkatu du helmugako pankartapean, Tobias Foss norvegiarra orain arteko liderra tartean eta buruan, 38 segundora.
3. ETAPAREN SAILKAPENA
1 - LOPEZ Juan Pedro (Lidl - Trek) 3:16:11
2 - PELLIZZARI Giulio (Bardiani) +0:22
3 - FOSS Tobias (INEOS) +0:38
4 - BARDET Romain (Team DSM) d.b.
5 - PARET-PEINTRE Aurelien (Decathlon AG2R) d.b.
6 - TIBERI Antonio (Bahrain) d.b.
7 - POELS Wout (Bahrain) d.b.
8 - O'CONNOR Ben (Decathlon AG2R) d.b.
9 - PARET-PEINTRE Valentin (Decathlon AG2R) d.b.
10 - SOSA Ivan Ramiro (Movistar) d.b.
SAILKAPEN NAGUSIA
1 - LOPEZ Juan Pedro (Lidl - Trek) 11:22:34
2 - FOSS Tobias (INEOS) +0:31
3 - O'CONNOR Ben (Decathlon AG2R) +0:45
4 - TIBERI Antonio (Bahrain) +0:48
5 - BARDET Romain (Team dsm) d.b.
6 - POELS Wout (Bahrain) d.b.
7 - PARET-PEINTRE Valentin (Decathlon AG2R) d.b.
8 - PELLIZZARI Giulio (Bardiani) +0:57
9 - PARET-PEINTRE Aurélien (Decathlon AG2R) +1:19
10 - SOSA Iván Ramiro (Movistar) d.b.
Zure interesekoa izan daiteke
Laboral Kutxak Maier Olano fitxatu 2028ra arte
Txirrindulari tolosarra Abraham Olanoren iloba da, eta talde moreak "euskal harrobiaren perla" dela esan du.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.
Orcières-Merletteko igoeraren azken metroak
Richard Carapazek (EF Education) irabazi du Frantziako Tourreko hemezortzigarren etapa. Helmugatik 3,5 kilometrora erasoa jo du ekuadortarrak eta bakar-bakarrik helmugaratu da Orcières-Merletten. Atzetik iritsi dira Mauro Schmid, bigarren, eta Matteo Jorgenson, hirugarren.
Carapaz izan da indartsuena eguneko ihesaldian, Orcieres-Merletteko igoeran eraso erabakigarria jota
EF Education - EasyPost taldeko eskalatzaile ekuadortarrak zuhur jokatu du azken kilometroetan, eta garaipena poltsikoratu du. Tourrean bigarren etapa garaipena du, Super Devoulyn irabazi eta bi urtera.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
Kontrolak ordu txikitan egiteak polemika eta tropelaren haserrea eragin ditu Frantziako Tourrean
Tadej Pogacarrek eta Jonas Vingegaardek doping-kontrolak egin zituzten Tourreko 15. etaparen aurreko gauean. Kontrol horiek bi txirrindularien loa oztopatu zuten. Hain zuzen ere, etapa horretan Vingegaardek erorikoa izan eta lasterketa utzi behar izan zuen.
Ion Izagirre: “Tourreko egunik txarrena izan dut”
Ion Izagirrerekin egon gara Frantziako Tourreko 17. etapa amaieran, Voiron. Ormaiztegikoak azaldu du “egunik txarrena” izan duela gaur eta “tour gogorra” izaten ari dela.