Joan Bouk Euskaltel-Euskadin jarraituko du 2024ra arte
Joan Bouk (1997) Euskaltel-Euskadin jarraituko du 2024ra arte, taldeak ostegun honetan iragarri duenaren arabera. Horrenbestez, bost urteko zikloa beteko du txirrindulari valentziarrak talde laranjarekin. Jorge Azanza kirol arduradunaren konfiantzazko gizonetako bat da Bou.
2020az geroztik taldean, Bou Euskaltel-Euskadiko erreferentziazko txirrindulari bihurtu da egutegiko hitzordu nagusietan. Izan ere, Espainiako Itzuliko 2021eko eta 2022ko ekitaldietan lehiatu zen, eta protagonista izan zen hainbat ihesekin. Azken hilabeteetan, hamargarren postu bikaina lortu zuen Burgosko Itzulian eta laugarren sailkatu da orain dela gutxi Langkawiko Tourrean. Aurten ere 11. izan zen Qinghai Lakeko Tourrean eta 12. Asturiasko Itzulian.
Txirrindulari osoa da, igotzailea batez ere, eta ahalik eta sailkapen onena lortzeko dohainak ditu, baita mailako ihesaldietan harrapatzeko ere. 2024an berritu izanak aurrerapauso horri jarraipena ematen dio eta txirrindulariaren eta taldearen arteko konfiantza berresten du. Beraz, Mikel Bizkarra, Xabier Isasa, Mikel Iturria eta Gotzon Martin taldekideekin bat egiten du Bouk, horiek ere berritu dute-eta Euskaltel-Euskadi taldearekin.
Joan Bou oso pozik agertu da berritzearekin: "Euskaltel-Euskadirekin kontratua berritzea aurreko lau urteetan taldean jarraitzea da. Oso gustura egon naiz eta nago. Ikasi dut, lasterketa asko egin ditut, eta urtez urte hobera egin dut. Hain zuzen ere, 2023 honetan izan dut, ziurrenik, inoizko emaitzarik onena".
Jorge Azanza, Euskaltel-Euskadiko kirol arduradunaern iritziz, "Bouk urte batzuk eman ditu taldean, eta nik neuk oso gustuko dudan txirrindularia da. Uste dut gehiago emateko gai dela, eta horrela izango dela datorren urtean".
Zure interesekoa izan daiteke
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.