Kragh Andersen danimarkarrak nagusitasunez irabazi du Eschborn-Frankfurt lasterketa
Soren Kragh Andersen (Alpecin-Deceuninck) danimarkarrak irabazi du astelehen honetan Eschborn-Frankfurt lasterketaren 60. edizioa, 203,8 kilometroko ibilbidea bete eta ihesaldiko esprintean nagusituta.
Kragh Andersenek (2020ko Frantziako Tourreko bi etapa irabazi zituen) Alpecin-Deceunincken koloreekin lortu duen lehen garaipena izan da, eta maisutasunez eta indar erakustaldia emanez egin du; izan ere, urrunetik jo du esprinteko erasoa, gainerako iheskideak erantzunik gabe utzita.
28 urteko danimarkarra 10 txirrindulariz osatutako taldearen buruan sartu da azken bihurgune erabakigarrian, eta ez dio inori bera gainditzeko aukerarik eman, ez bigarren egin duen Patrick Konrad austriarrari (BORA-hansgrohe), ezta hirugarren izan den Alessandro Fedeli italiarrari (Q36.5 Pro) ere.
Izen handiko Marc Hirschi suitzarra (UAE Team Emirates) eta Lorenzo Rota italiarra (Intermarché-Circus-Wanty) ere eguneko ihesaldi onean sartu dira, eta laugarren eta bosgarren amaitu dute, hurrenez hurren.
Hala ere, Kragh Andersen izan da indartsuena, nahiz eta esprinta luzeegia izan zitekeela zirudien, oso urrunetik jo baitu, eta aurretik ere lan eskerga eginda baitzegoen bere iheskideekin batera, 18 segundora iritsi den tropelarekiko aldeari eusteko. Tropelaren buru Arnaud De Lie (Lotto Dstny) eta Alexander Kristoff (Uno-X) sartu dira.
LASTERKETAKO SAILKAPENA
1 - KRAGH ANDERSEN, Søren Alpecin-Deceuninck 4:51:27
2 - KONRAD, Patrick (BORA) d.b.
3 - FEDELI, Alessandro (Q36.5 Pro Cycling Team) d.b.
4 - HIRSCHI, Marc (UAE) d.b.
5 - ROTA, Lorenzo (Intermarché) d.b.
6 - STEINHAUSER, Georg (EF Education) d.b.
7 - ZIMMERMANN, Georg (Intermarché) d.b.
8 - WILLIAMS, Stephen (Israel) d.b.
9 - HERMANS, Ben (Israel) d.b.
10 - MARCELLUSI, Martin (Green Project) +0:03
Zure interesekoa izan daiteke
Laboral Kutxak Maier Olano fitxatu 2028ra arte
Txirrindulari tolosarra Abraham Olanoren iloba da, eta talde moreak "euskal harrobiaren perla" dela esan du.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.
Orcières-Merletteko igoeraren azken metroak
Richard Carapazek (EF Education) irabazi du Frantziako Tourreko hemezortzigarren etapa. Helmugatik 3,5 kilometrora erasoa jo du ekuadortarrak eta bakar-bakarrik helmugaratu da Orcières-Merletten. Atzetik iritsi dira Mauro Schmid, bigarren, eta Matteo Jorgenson, hirugarren.
Carapaz izan da indartsuena eguneko ihesaldian, Orcieres-Merletteko igoeran eraso erabakigarria jota
EF Education - EasyPost taldeko eskalatzaile ekuadortarrak zuhur jokatu du azken kilometroetan, eta garaipena poltsikoratu du. Tourrean bigarren etapa garaipena du, Super Devoulyn irabazi eta bi urtera.
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
Kontrolak ordu txikitan egiteak polemika eta tropelaren haserrea eragin ditu Frantziako Tourrean
Tadej Pogacarrek eta Jonas Vingegaardek doping-kontrolak egin zituzten Tourreko 15. etaparen aurreko gauean. Kontrol horiek bi txirrindularien loa oztopatu zuten. Hain zuzen ere, etapa horretan Vingegaardek erorikoa izan eta lasterketa utzi behar izan zuen.
Ion Izagirre: “Tourreko egunik txarrena izan dut”
Ion Izagirrerekin egon gara Frantziako Tourreko 17. etapa amaieran, Voiron. Ormaiztegikoak azaldu du “egunik txarrena” izan duela gaur eta “tour gogorra” izaten ari dela.