Oier Lazkanok bigarren postua lortu du Flandrian Zehar Klasikoan, eta Christophe Laportek irabazi du
Oier Lazkano Movistar taldeko txirrindulari gasteiztarrak bigarren postua lortu du, asteazkenean, Flandrian Zehar klasikoan, eta Jumbo – Vismako Christophe Laporte frantziarrak irabazi du lasterketa. Lazkano lasterketa markatu duen ihesaldian sartu da, eta azken kilometroetan, Laportek lasterketa buruan zeuden ziklistak harrapatu eta gaindituta, indarra, kalitatea eta adorea izan ditu berriro ere erasoa jo eta probako bigarren postua eskuratzeko, emaitza bikaina erdietsita.
Klasikoak 183,7 kilometroko ibilbidea izan du, Roeselaren hasi da eta Waregemen amaitu. Azken udalerri horretan eskuratu du Laportek asteko bere bigarren garaipena; izan ere, igandean, Gante – Wevelgem lasterketan, Flandrian ere, lehen postuan sartu zen. Frantziar txirrindulariak, 30 urtekoa bera, gogor borrokatu du, bere taldekideekin batera, eguneko ihesaldian zeuden ziklistak harrapatzeko; hasieran, ihesaldi horretan sartu dira, Lazkanoz gain, Kristoff (Uno-X), Vanhoof (Flanders), Zukowsky (Q36.5), Gidich (Astana) eta Heinschke (DSM). Flandrian Zehar proban hamaika mendate eta galtzada harriko zortzi tarte izan dira, emozioa nagusi izan da egun osoan eta parte-hartzaileak etengabe ibili dira lanean, garaipenaren bila.
Helmugarako lau kilometro geratzen zirela, Laportek erritmoa bizitu du eta atzean utzi ditu berarekin batera lasterketa buruan zihoazen txirrindulariak. Merezita irabazi du, baina Oier Lazkanok egindakoa ere nabarmentzeko modukoa da; klasikoaren azken tartean, Laportek garaipena eskuan zuela, Lazkanok berriro ere jo du aurrera, bigarren tokia lortu nahirik, eta lortu egin du. Igandean, Flandriako Itzulian, kontuan izateko moduko gizonen artean egoteko eskubidea bereganatu du, horrenbestez.
FLANDRIAN ZEHAR KLASIKOAREN SAILKAPENA
1 - LAPORTE Christophe (Jumbo) 4:06:20
2 - LAZKANO Oier (Movistar) d. b.
3 - POWLESS Neilson (EF Education) d. b
4 - PHILIPSEN Jasper (Alpecin) d. b
5 - PEDERSEN Mads (Trek) d. b
6 - DE LIE Arnaud (Lotto) d. b
7 - BALLERINI Davide (Quick Step) d. b
8 - PASQUALON Andrea (Bahrain) d. b
9 - BOIVIN Guillaume (Israel) d. b
10- POLITT Nils (BORA) d. b
Zure interesekoa izan daiteke
Euskal txirrindulariak, duintasunaren ikur
Ion Izagirre, Alex Aranburu eta Xabier Mikel Azparren txirrindulariek parte hartu dute 2026ko Frantziako Tourreko edizioan. Hiru astez munduko lasterketarik garrantzitsuenean lehiatu ostean, euskal ordezkariek euren taldearen estrategiaren barruan ezarritako lana betez osatu dute Frantziako itzuli handia
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.
Laboral Kutxak Maier Olano fitxatu 2028ra arte
Txirrindulari tolosarra Abraham Olanoren iloba da, eta talde moreak "euskal harrobiaren perla" dela esan du.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.