Enric Masek eta Elisa Longo Borghinik irabazi dute Emiliako Giroa
Enric Mas eta Elisa Longo Borghini gailendu dira gaur, urriak 1, jokatu den Emiliako Giroan. Movistarreko espainiarra eta Trekeko italiarra izan dira azkarrenak emozioz beteriko bi bukaeretan.
Gizonezkoen proban Masek Tadej Pogacar mendean hartu du azken kilometroetan izandako buruz burukoan. Movistarrek eta UAE Emiratesek lasterketa kontrolpean izan dute ia uneoro eta euren liderrek erantzun egin dute.
Bien arteko lehia nabarmena izan da azken 10 kilometroetan. Elkarri erasoka aritu dira biak eta amaierako 2 kilometroak iritsi arte ez da mugimendu erabakigarria heldu. Espainiarrrak esloveniarra muturrera arte eraman eta atzean utzi du. Pogacarren ahalegina ez da nahikoa izan, eta bigarren postuaren lehian Pozzovivo mendean hartu ostean, bigarren izan da. Pozzovivo italiarra hirugarren izan da eta Valverde, bere azken aurreko lasterketan, laugarren postuan helmugaratu da.
Emakumezkoen lasterketan Elisa Longo Borghini italiarra izan da garailea San Lucako helmugan. Trekeko txirrindulariak esprintean eskuratu du 89,7 kilometroko ibilbidea izan duen proba. Borghinik Veronica Ewers estatubatuarra (bigarren) eta Sofia Bertizzolo italiarra (hirugarren) gainditu ditu esprintean.
Gaurkoarekin Borghinik 101 eguneko garaipen lehorteari bukaera eman dio eta Mavi García espainiarra ordezkatu du Emiliako Giroko garaileen zerrendan.
GIZONEZKOEN SAILKAPENA:
1 - MAS Enric (Movistar Team) 4:55:31
2 - POGACAR Tadej (UAE Team Emirates) +0:11
3 - POZZOVIVO Domenico (Intermarché - Wanty) +0:14
4 - VALVERDE Alejandro (Movistar Team) +0:26
5 - URÁN Rigoberto (EF Education-EasyPost) +0:31
CLASIFICACIÓN FEMENINA:
1 - LONGO BORGHINI Elisa (Trek - Segafredo) 2:11:53
2 - EWERS Veronica (EF Education) +0:03
3 - BERTIZZOLO Sofia (UAE Team ADQ) +0:08
4 - SIERRA Arlenis (Movistar Team) +0:09
5 - KASTELIJN Yara (Plantur-Pura) +d. b.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.