Caja Rural - Seguros RGA taldearen lan bikaina Alentejoko lehen etapan
Caja Rural – Seguros RGAk hasiera bikaina eman dio Alentejoko Itzuliari, estreinako etapa Orluis Aularrek irabazi duelako, eta taldekide duen Iuri Leitao bigarren izan delako. Gainera, Aularrek liderraren elastikoa jantzi du.
Lehen etapa Vendas Novas eta Sines artean egin da, eta 176,8 kilometroko ibilbidea izan du. Azken metroetara bat eginda iritsi da tropela. Aularrek erasoa jo du, metro batzuetako abantaila hartu, eta tropelak ezin izan du harrapatu Venezuelakoa. Leitao (Caja Rural – Seguros RGA) helmugaratu da bigarren tropelaren buruan, eta hirugarren postua Leangel Linarezentzat (Tavfer-Mortagua) izan da. Mikel Aristi (Euskaltel - Euskadi) hamabigarren izan da.
Sailkapen nagusiko lehen postuan da Aular eta lau segundo ateratzen dizkie Leitao (bigarren) eta Rodrigo Caixas (hirugarren) LA Aluminios-Credibom taldeko txirrindulariari.
Lehen etapako sailkapena:
1 - AULAR Orluis (Caja Rural - Seguros RGA) 4:05:56
2 - LEITÃO Iuri (Caja Rural - Seguros RGA) d. b.
3 - LINAREZ Leangel (Tavfer-Mortagua-Ovos Matinados) d. b.
4 - MATIAS João (Tavfer-Mortagua-Ovos Matinados) d. b.
5 - FREITAS Daniel (Radio Popular - Paredes - Boavista) d. b.
Sailkapen nagusia:
1 - AULAR Orluis (Caja Rural - Seguros RGA) 4:05:46
2 - LEITÃO Iuri (Caja Rural - Seguros RGA) + 4ª
3 - CAIXAS Rodrigo (L.A. Aluminios / Credibom) + 4"
4 - FERNANDES Venceslau (ABTF - Feirense) + 5"
5 - LINAREZ Leangel (Tavfer-Mortagua-Ovos Matinados) + 6"
Zure interesekoa izan daiteke
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Guillermo Thomas Silvak irabazi du Ordiziako Klasikoa
Guillermo Thomas Silva (XDS Astana) uruguaitarrak irabazi du Ordiziako 103. klasikoa, Igor Arrieta (UAE Emirates) nafarrari azken esprint estua irabazita. Joan zen urtean lasterketa bereganatu zuen Arrietak ezin izan du Silvaren abiadurarekin.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.