Fuji mendi mitikoak, Japoniako sabaiak, Izagirre anaiak eta Omar Fraile estutuko ditu
Fuji mendiak, Japoniako toki sakratuetako batek, Tadej Pogacar esloveniarra, Frantziako Tourraren irabazlea, Van Aerten eta Evenepoelen Belgika, Uranen eta Quintanaren Kolonbia eta Alejandro Valverde murtziarra neurtuko ditu. Haren bosgarren Olinpiar Jokoetan, Ion eta Gorka Izagirreren eta Omar Fraileren laguntza izango du Valverdek.
Lasterketa oso gogorra aurreikusi du Ion Izagirrek. "Ez da estrategia askorik beharko, kanporatze lasterketa izango baita; garrantzitsuena aurrealdean egotea eta ongi hidratatzea izango da, azken tartean osorik egoteko", adierazi du.
Fuji mendi mitikoa, Japoniako sabaia, igotzeaz gain, ibilbideko mendaterik gogorrena Mikuni Pass izango da. "Ikusi dugu, Mortiroloren antza du, laburragoa, baina oso gogorra da, eta errepide izurrarekin tarte askotan", azaldu du Ormaiztegiko (Gipuzkoa) txirrindulariak.
"Aurrealdean egon beharko gara, eta garrantzitsuena lasterketari aurpegirik ez galtzea izango da, hautaketa egingo da, eta gu hor izan beharko gara. Eta talde txiki batean Bala-k garaipena lor dezake, hark duen esprintagatik", esan du.
Bertako girora moldatu direla uste du Izagirrek. "Egun batzuk izan ditugu, hobeto sentitu gara. Gorputz bakoitza mundu bat da, baina ilusio eta gogo handiarekin gaude guztiak, eta Tourretik etorri garenok gorputzaldi oso onean gaude , eta larunbatekoa lasterketa polita izango dela uste dut", iragarri du.
Era berean, Alejandro Valverde taldeburuak proba "oso gogorra" izango dela azpimarratu du. Estrategia lasterketa baino gehiago, "kanporatze" proba izango dela uste du txirrindulari murtziarrak.
Ibilbide gogorra, beroa eta hezetasuna
Gizonezkoen ibilbideak 234 kilometro izango ditu, Tokioko Musashinonomori parketik Fuji mendiaren inguruetara, nazioarteko automobilismo zirkuituan amaitzeko, mendiaren magalean bertan.
Helmugara heltzeko, txirrindulariek bost igoera gainditu beharko dituzte, 60 bat kilometro oso lauak atzean utzi ondoren. Aurreneko biek, Doshik eta Kagosakak, ez dute aparteko zailtasunik. Fuji Sanroku, ordea, 14,3 kilometroko igoera da, % 6ko batez bestekoarekin, helmugatik 90 bat kilometrora.
Jaitsiera luze baten ondoren, azken 30 kilometroetan mugimendu asko espero dira. Mikuni mendatea urrunetik saiatu nahi diren eskalatzaileentzako toki aproposa da. Igoerak 10 kilometro inguru ditu, % 10-15eko aldapekin. Kagosaka igo ondoren, 15 bat kilometroko jaitsiera batek txirrindulariak Fujiko abiadura zirkuituan utziko ditu. Automobilismo zirkuituak aldapa txiki bat du.
Ibilbidea giro itogarrian egin beharko dute txirrindulariek, tenperatura altuek eta hezetasun handiak baldintzaturik. Ondorioz, hidratazioa erabakigarria izango da. Bestalde, txirrindulariek ez dute hautatzaileen aholkurik edo agindurik jasoko, entzungailurik erabiliko ez dutelako. Euriak ere zeresana eman dezake lasterketan zehar.
Zure interesekoa izan daiteke
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Isaac Del Torok irabazi du Auvernia-Rodano-Alpeetako Tourra
Isaac Del Toro mexikarrak, Luke Tuckwell australiarrak eta Juan Ayuso espainiarrak osatu dute azken podiuma. Hala, Del Torok Tadej Pogacar esloveniaren tokia hartu du.
Del Toro nagusitu da Grand Colombierren, eta Tuckwellek lider jarraitzen du
Del Toro ihes eginda helmugaratu da, eta 25 segundo atera dizkio Juan Ayuso espainiarrari eta 39 Tobias Halland Johannessen norvegiarrari.
Van Gils nagusitu da 6. etapako esprintean, eta Truckwell da lider berria
Tobias Halland Johannessenek erasoa jo du azken esprintean, baina Maxim Van Gilsek indartsuago eragin die pedalei helmuga lehen postuan zeharkatzeko.
Wout Van Aertek irabazi du bosgarren etapa, esprint jendetsu batean, Parc des Oiseauxen
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina helmugatik 12 kilometrora tropelak harrapatu ditu.
Esprint jendetsu batean bereganatu du Van Aertek bosgarren etapa
Wout Van Aert (Team Visma) gailendu da Auvernia-Rodano-Alpeetako Tourraren bosgarren etapan. Esprint masibo batek erabaki du gaurko emaitza, belgikarra gainontzekoak baino gehiago izan da eta denboraldiko bigarren garaipena lortu du Montrond-les-Bainsen.
Eibarko Txirrindulari Elkarteak 100 urte bete ditu txirrindularitza bultzatzen
Elkarteak bere mendeurrena dela eta egingo dituen ekintzak aurkeztu ditu gaur arratsaldean egindako ekitaldian. Harrobi zein elitekoa, oro har, txirrindularitza bultzatzen eman ditu 100 urte horiek, baita hainbat kategoriatako lasterketak antolatzen ere.
Ihesaldiko txirrindularien arteko esprinta, eta Simmonsen garaipena, Auvernia-Rodano-Alpeetako Tourreko laugarren etapan
Lidl-Trek taldeko txirrindulari estatubatuarra ihesaldiko azkarrena izan da gaur, asteazkenez; segundo gutxi batzuengatik. Ihesaldia Montrond-les-Bainsen helmugaratu da.
Simmons garaile atera da eguneko ihesalditik, eta Baudinek maillot horiarekin jarraitzen du
Ameriketako Estatu Batuetako txapeldunak, besteak beste, Finn Fisher-Black (Red Bull Bora) eta Matteo Vercher (Total Energies) atzean utzi ditu 10 txirrindulariko esprintean.
Team Vismari taldekako erlojupekoan garaipena eman dion Jorgensonen esprinta
Matteo Jorgenson estatubatuarraren azken esprintak garaipena eman diot Team Vismari, Auvernia-Rodano-Alpeak Tourreko taldekako erlojupekoan, hirugarren etapan. INEOS taldea izan da bigarren, eta EF Education hirugarren. Hortaz, Alex Baudin frantziarrak jarraitzen du líder izaten.