Ibai Salas, pozik zigorra bertan behera geratzeagatik, ez da errepideetara itzuliko
Ibai Salas Burgos BHko txirrindulari ohia "pozik" agertu da Kirol Arbitrajeko Auzitegiak lau urteko zigorra baliogabetu duelako. Pasaporte biologikoan ustez izandako irregulartasunengatik zigortu zuten. Txirrindulariaren arabera, erabaki horrek ibilbide profesionala hondatu zion, eta orain bukatutzat ematen du.
27 urteko Bilboko txirrindulariaren arabera, zigorra baliogabe uzteagatik "borrokatu dut denbora honetan", eta bere errugabetasuna erakusten duela eta "justizia" egin dela uste du.
Salasi lau urteko zigorra eta 3.001 euroko isuna jarri zizkion urrian Espainiako Kiroleko Osasuna Zaintzeko Agentziak, 2017ko pasaporte biologikoan ustez irregulartasunak izateagatik. Orain, erabaki hori baliogabetu du Kirol Arbitrajeko Auzitegiak.
Burgos BHk taldetik kanpo utzi zuen erabakia jakin zuenean, eta Bizkaiko txirrindulariak atsekabea hartu zuen; "bat-batean bizkar eman zidan taldeak, eta modurik okerrenean", esan du.
Egoera horrek min handia eragin ziola onartu du Salasek, "inork ez duelako horrela tratatua izatea merezi, are gehiago babesa espero duzun momentu batean, eta ez ostiko bat jasotzea eta zenbat eta urrunago, hobeto".
Azaldu duenez, berea "ez zen inoiz positibo bat izan, baizik eta pasaporte biologikoan ustez izandako irregulartasun bat". Prozesu hori ere kritikatu du, uste duelako "ez litzatekeela datuen babesa urratu sumarioa filtratuta".
Salasek ez du buruan berriz lehiatzea, eta itxitzat ematen du bere ibilbide profesionala. Hala ere, txirrindularitzari lotuta jarraituko duela argitu du. "Kirol honen ostean, bizitza jarraitu egiten du, eta aurrera begiratu behar da, nik eta nire familiak momentu txarrak igaro ditugun arren".
Taldeko managerra: "Pozik nago Salasengatik, baina gauza bera egingo nuke berriro"
Julio Andres Izquierdo Burgos BHko zuzendaria pozik dago "Salasengatik eta taldearengatik", baina esan duenez, taldetik kanpo uzteko erabakia "errepikatuko luke egoera berriz errepikatuko balitz".
Zuzendaria bat dator Salaren poztasunarekin, eta erabakia "oso zaila" baina saihestezina izan zela esan du.
"Txirrindulariagatik pozten naiz, baina egoera horretatik igaroko banintz modu berean jardungo nuke, dopinarekin tolerantziarik ez dela izan behar uste dudalako. Kasu honek eta izan ditugun beste batzuek min handia eman digu, taldeari eta nire buruari ere; oso gaizki pasa dut, baina momentu horretan egin beharrekoa egin nuen", esan du.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.