Froomek 2018ra arte berritu du kontratua Sky taldearekin

Bi aldiz Frantziako Tourreko irabazlea izan den Chris Froomek 2018. urtera arte berritu du kontratua Sky taldearekin. Froomek 30 urte ditu, eta "2015a urte bikaina izan da niretzat eta baikorra naiz 2016ari begira", adierazi du.

"Sky izan da nire arrakastaren oinarria eta erabakia hartzea oso erraza izan da. Ohore bat da munduko lasterketa garrantzitsuenak irabazteko gai den talde baten egotea. Baikorra naiz urte olinpiko honi begira eta lasterketak hasteko irrikitan nago", gaineratu du Chris Froomek.