Tinkoff-Saxo eta UCI, aurrez aurre 'Kreuziger auzia'gatik
Roman Kreuziger (Tinkoff-Saxo) ez dago Poloniako Itzulian. Frantziako Tourrera ere ez zen joan, taldearekin adostuta, 2011ko martxoa eta 2012ko maiatza bitarteko pasaporte biologikoan irregulartasunak ezagutara eman ostean. Ondo atera zitzaion Tinkoff-Saxori, Rafal Majka ordezkoa arrakastatsu ibili zelako Tourrean. Hiru urte gehiagorako berritu du kontratua.
Hala ere, taldeak Poloniara eramatea erabaki zuen, Stefano Peltrin zuzendariak gutun ireki batean azaldu duenez: "Maiatzean, Tourra hasi baino lehen, UCIk txirrindulariaren aurkako prozesu bat hasiko zuela esan zuen, baina ez zuen ezer esan behin behineko zigor bati buruz. Taldeak ez zuen zigortu, baina lasterketatik kanpo uztea erabaki zuen, bera eta taldea edozein espekulaziotik kanpo uzteko asmoz, garaipenerako lehian egon behar ginelako".
Tinkoff-Saxok Kreuziger taldearen "kide aktiboa" zela esan zien UCI eta Txekiako Federazioari, eta erantzunik ez jasotzean, Poloniako Itzulira eramatea erabaki zuen. Txirrindularia ikertzen ari da UCI, baina ez zegoen zigortuta.
Lasterketa hasi baino bi egun lehenago, UCIk "behin behineko zigorra" jakinarazi zion taldeari. Horrela azaldu zuen erabakia Brian Cooksonek, UCIko presidenteak, Cyclingnewsi: "Gure adituek manipulazio zantzu handiak aurkitu zituzten" pasaporte biologikoan, "eta azalpenak eskatu genizkien, baina ez ziren sinesgarriak izan. Egoera horretan, diziplinazko erabakiak hartzeko premia zegoen, eta ahal bezain laster egin dugu".
Erakundeak konfiantza osoa jarri zuen pasaporte biologikoan, dopinaren aurkako "oso erreminta erabilgarri eta eraginkorra", talderen batek "legalki eztabaida" dezakeen arren. Praktikan, UCIren irizpide aldaketak zera suposatzen du: pasaporte biologikoan oinarritutako kasuak positibo gisa hartzea.
Tinkoff-Saxoren Kreuziger Tourretik kanpo uzteko erabakia era ezberdinetan interpretatu zuten taldeak eta UCIk. Taldearentzat, txirrindularia "babesteko" modu bat izan zen, baztertzeko benetako arrazoirik ez zegoela uste zuten. UCIrentzat, aldiz, Tinkoff-Saxok modu "ulergaitz eta arraroan" jokatu zuen Tourretik kanpo utzita eta Poloniara eramanda.
Peltrinen arabera, "zigor bat soilik egiaztatutako oinarri eta ebidentziekin ezarri beharko litzateke", eta UCIren azkartasuna kritikatu du Kreuziger zigortzeko orduan, lasterketa baino 48 ordu lehenago besterik ez, "taldearen egutegia planifikatzeko gaitasuna arriskuan jarriz". Orain, UCIk behin behineko zigorra baieztatu du, pasaportearen "anomaliak" ikertzen dituen bitartean.
Zure interesekoa izan daiteke
Lorena Wiebes da Tourreko lehen liderra Lausanan irabazita
SD Worx–Protime taldeko herbeheretarra Kim Le Court (AG Insurance–Soudal) eta Demi Vollering (FDJ–Suez) baino azkarragoa izan da esprintean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Evenepoel, Donostiako Klasikoko errege
Remco Evenepoel txirrindulari belgikarrak laugarrenez irabazi du Donostiako Klasikoa, esprintean Richard Carapaz ekuadortarra menderatuta. Horrela, Red Bull-BORA-Hansgrohe taldeko txirrindulariak historia egin du Donostiako Boulevardean laugarrenez txapela jantzita. Pello Bilbao, bere aldetik, bosgarren postuan helmugaratu da.
Jorge Azanza, Euskaltel-Euskadiko kirol zuzendaria: “Ametsa egi bihurtu da"
Miekl Landa Euskaltel-Euskadi taldeko burua izango da 2027tik aurrera, taldeak berak larunbat honetan iragarritakoaren arabera.
Mikel Landa: “Denbora neraman honekin amesten"
Txirrindulari arabarra Euskadi Fundaziora itzuliko da, Euskaltel, Kutxabank eta Basque Countryrekin batera kirol proiektu handi baten buru izateko.
Mikel Landak Euskaltel-Euskadi taldea gidatuko du 2027an eta 2028an
Txirrindulari arabarra Euskadi Fundaziora itzuliko da, Euskaltel, Kutxabank eta Basque Countryrekin batera kirol proiektu handi baten buru izateko.
Donostiako Klasikoan arituko diren txirrindulariak eta taldeak aurkeztu dituzte
Larunbat honetan Donostiako Klasikoa lehiatuko da. Bertan, Euskaltel-Euskadi, Caja Rural eta Kern Pharma euskal taldeak arituko dira, baita Pello Bilbao, Ion Izagirre edo Xabier Mikel Azparren euskal txirrindulariak ere, besteak beste. Honela joan da aurkezpen ekitaldia.
Primoz Roglic baja izango da Donostiako Klasikoan eta Burgosko Itzulian, auto batek harrapatu baitu
Red Bull – BORA – hansgrohe taldeko txirrindulariak istripua izan du duela egun batzuk, esloveniarrak berak sare sozialetan baieztatu duenez.
ZUZENEAN: Frantziako Tourra, 2. etapa (Aigle-Geneva, 147.9 km)
Frantziako Tourreko bigarren etaparen zuzeneko emanaldia: Aigle-Geneva (147,9 km).
Donostiako Klasikoak erakusleiho izaten jarraitzen du txirrindulari handientzat
Donostiako Klasikoko parte-hartzaileen zerrendan izen ospetsuak agertzen dira. Michal Kwiatkowski edo Remco Evenepoel bezalako izarrek, besteak beste, Donostiako helmugan arrakasta errepikatzea bilatuko dute.