Albiste da:

Euskadi Txirrindulari Iraskundea eta Euskaltel akordiora iritsi dira

Fundazioak dituen txirrindulari taldeko aktiboak erosiko ditu Euskaltelek, eta, ondorioz, txirrindulariek eta langileek azaroatik zor zaien nomina kobratu ahalko dute.

Euskadi Txirrindulari Iraskundearena zen autobusetako bat. Argazkia: EITB

ERREDAKZIOA

2012/12/13 - 20:40

Azken eguneratzea

2012/12/13 - 22:48

Euskadi Txirrindulari Iraskundea eta Euskaltel enpresa txirrindulari taldeko aktiboen salerosketarako akordiora iritsi dira. Ondorioz, Iraskundeko langile eta txirrindulariek azarotik zor zaien nomina kobratuko dute. Euskaltelek Iraskundearenak ziren autobusak eta autoak erosiko ditu, besteak beste.

Ohar baten bitartez eman du akordioaren berri Euskadi Txirrindulari Iraskundeak: "Euskadi Txirrindulari Iraskundea eta Euskaltel enpresa, Iraskundeak dituen txirrindulari taldeko aktiboak transferitzeko akordiora iritsi dira. Akordio hau sinatzearen ondorioz, Euskadi Txirrindulari Iraskundeko txirrindulariek eta langileek, azarotik zor zaien nomina kobratuko dute abenduaren 25a baino lehen".