Igor Gonzalez de Galdeanok Euskaltel Euskadi utziko du
Igor Gonzalez de Galdeano Euskaltel Euskadi txirrindularitza taldeko egungo manager nagusiak kargua utziko duela jakinarazi dio Miguel Madariaga Euskadi Txirrindularitza Fundazioko presidenteari. Bere bizitza profesionalean erronka berriei aurre egin nahi diela argudiatu du Gonzalez de Galdeanok.
Jakinarazpen honen ondoren, eta Fundazioaren Patronatuak hartuko duen azken erabakiaren zain, Igor Gonzalez de Galdeano taldearen buru izango da 2011ko abenduaren 31ra arte.
Gonzalez de Galdeanok "arrazoi pertsonalak" argudiatu ditu bere bizitza profesionala beste norabide batzuetara bideratzeko erabakia. Euskadi Txirrindularitza Fundazioak denboraldia bukatu bitartean jakinaraziko du kirol organigrama profesionala, eta egungo egituran oinarrituko du, etxeko zuzendarien aldeko apustua indartuz.
"Euskadi Fundazioak duen Euskaltel Euskadi proiektuaren etorkizuneko apustua argia da, eta taldea nazioarteko txirrindularitzaren maila nagusian mantentzeko lanean jarraituko da", adierazi dute Fundaziotik.
Miguel Madariagak "kezka" azaldu du egungo manager nagusiaren irteerarekin, harreman estua baitute. Berarekin hizketaldia izan ondoren, Fundazioko presidenteak ziurtatu du erabakia ulertzen duela eta errespetatu egingo duela, "Patronatuaren bileraren zain".
"Igorri eskatu diodan bakarra denboraldia bukatu arte bere karguan jarraitzea izan da. Zergatiak eta arrazoiak Igorrenak dira, eta berak azaldu beharko du zerk eraman duen kargua uztera, egoki ikusten badu", adierazi du Madariagak.
Era berean, Gonzalez de Galdeanok esan du erabakiarekin ez duela agur esaten bere ibilbide profesionalari, baizik eta jarraipena eman nahi diola. "Erronka berriak behar ditut, eta horrek ekarri du nire erabakia", ziurtatu du.
"Miguelekin dudan harremana profesionaletik haratago doa, presidente eta manager arteko harremana baino gehiago da, eta beharbada horregatik ari zait kostatzen hainbeste erabaki hau hartzea. Profesionalki eta pertsona moduan prestatzeko sei urte paregabeak izan dira", adierazi du esker on modura.
Azkenik, Gonzalez de Galdeanok ziurtatu du bere ondoan lan egin duten zuzendariek gaitasuna dutela "proiektu honen kirol arloko buruak izateko". "Beren ibilbide eta balioa zalantzarik gabekoa da. Miguelek talde ona izaten jarraitzen du, eta noski, beti izango du nire babesa", esan du.
Zure interesekoa izan daiteke
Vingegaardek kolpea eman du bigarren etapa jarraian irabazi ondoren
Daniarra nagusitasunez eta bakarrik helmugaratu da, 20 kilometroren faltan erasoa jo ostean, eta ia erabakita utzi du Frantziako lasterketaren sailkapen nagusia.
Helmugatik 20 kilometrotara eraso egin eta bakarrik amaitu du Vingegaardek Paris-Nizako bosgarren etapa
Dagoeneko garaile bazen ere, Jonas Vingegaardek (VISMA) helmugatik 20,8 metrora egin du erasoaldia. Bakarrik helmugaratu da 4:29:01eko denbora eginda. Valentin Paret-Peintre (Quick-Step) iritsi da bigarren eta Harold Tejada (Astana) hirugarren.
Van der Poelek bere bigarren garaipena erdietsi du, eta Pellizzarik lidergoa kendu dio Del Torori
Nederlandarra izan da nagusi ostegun honetan Tirreno-Adriatico lasterketan, aurten bigarren aldiz, Giulio Pellizzari italiarraren aurretik. Van der Poel esprint polit batean nagusitu da.
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako liderra da, laugarren etapan bakarrik helmugaratuta. Vingegaardek erasoa jo du helmugatik 1.000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de Marsiko helmugan, Jonathan Milan eta Jasper Philipsen faboritoen aurretik. Milan bera etapako podiumetik urrun geratu da, erasoa goizegi abiatu du eta.
Bi kulotekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kulotekin atera da lasterketako laugarren etapara. Xira, maillot luze bat, beste xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.