Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Adams, Lointek taldeko jokalaria, Hungarian. Irudia: Lointek Gernika Bizkaia
Lointek Gernika Bizkaiak kostata defendatu ditu gaur Hungarian, Pecseko Lauber Dezso Sport Hall kantxan, Malosten NKA Universitas Pecs taldearen aurka lortutako 19 puntuko errenta, Emakumezkoen Eurokopako final-hamaseirenetako joaneko partidan. Izan ere, ia abantaila hori guztia alferrik galtzekotan izan da, baina doi-doi hurrengo kanporaketan sartu da, amaieratik segundo bakarrera Masa Jankovic pibot serbiarrak sartutako saskiratze bati esker (78-61).
Lointekek nahiko ondo eutsi dio Pecsen hasierako oldarraldiari, baina lehen atsedenaldira bost puntu azpitik joan da markagailuan (21-16). Hungariarrek, Reisingerova izar txekiarra buru zutela (8 puntu), Gernikako taldea atakan jarri dute, lehen laurden osoan ez baitira markagailuan aurretik jarri.
Bigarren zatian, Hungariako taldeak 20-13ko partziala sartu dio Lointeki (41-29). Lucas Fernandezen jokalariek ez dute Reisingerova-Torok bikotea geldiarazten jakin (14 eta 9 puntu, hurrenez hurren) lehen zati osoan zehar, eta, gainera, erasoan nahiko gaizki ibili dira, jaurtiketen % 29ko sartu eta erabaki txarrak hartu dituzte eta. Lehen zatian, Olaeta izan da Bizkaiko taldeko jokalaririk aipagarriena, 9 punturekin.
Atsedenaldiaren ostean, defentsako zuloek eta erasoko akatsek ez dute etenik izan, eta alarma guztiak piztu zaizkie lointektarrei, Pecs 19 puntuko koska sartu baitie. Zorionez Jankovic agertu da kanporaketari eusten saiatzeko (16 puntu), baina Reisingerovak, Torokek eta Dulek Lointeken uztaia urratzen jarraitu dute (59-44).
Azken laurdenean, Lointekek asko sufritzen jarraitu du, baina sailkapena lortu du: 19 puntuz galtzen ari zenean, Jankovicen saskiratzea egin du (78-61).
Fitxa teknikoa:
78.- NKA Universitas Pecs (21+20+18+19): Ratkai (7), Dul (14), Torok (15), Varga (8) eta Reisingerova (25) -hasierako bostekoa-; Olawuyi (4), Josepovits (1), Grets, Kitti Halmagyi eta Toth (4).
61.- Lointek Gernika (16+13+15+17): Olaeta (18), Adams (8), Westerik (5), Jankovic (20), Bessoir (4) -hasierako bostekoa- Castedo, Polleros (6), Krnjic eta Matarranz.
Laurdenak: 21-16, 41-29 (atsedenaldia), 59-44 eta 78-61 (bukaera).
Epaileak: Domen Krajnc (Eslovenia), Petr Blahou (Txekia Errepublika) eta Luka Brekalo (Bosnia).
200 ikusle bildu dira Pecseko Lauber Dezso Sport Hall kantxan.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.