Lointek Gernika Bizkaiak Laura Westerik fitxatu du datorren denboraldirako
Lointek Gernika Bizkaiak Laura Westerik eskolta fitxatu du 2024-2025 denboraldirako. IDK Euskotren taldetik dator eta aurreko denboraldian 5,6 puntu, 3,1 errebote eta 1,2 asistentzia lortu ditu batez beste partidako.
Hala, Lointek Gernika Bizkaiak lau jokalari ditu dagoeneko datorren denboraldirako: Itziar Aritzimuño, Kendra Chery, Marta Alberdi eta Laura Westerik.
Westerik 1,76 metro luze da, eta oso gazte egin zuen debuta bere herrialdeko Lekdeted.nl Basketball taldearekin. Herbehereetako Ligako hainbat taldetan jokatu eta gero Alemaniara joan zen, eta Portugalen eta Italian ere jokatu du.
2022-2023 denboraldian heldu zen emakumezkoen Endesa Ligara, Embutidos Pajariel Bembibre taldearekin, eta ondoren, IDK Euskotren talde gipuzkoarrak fitxatu zuen. Beraz, txapelketa "ondo ezagutzen" duen jokalaria izateaz gain, Eurocup Women lehiaketan esperientzia dauka. Herbehereetako selekzioarekin ere jokatzen du.
Gernika bisitatu duenean Malostek eta marea granateak izan duten eragina onartu du Westerikek. "Talde familiarra da, baina, era berean, gorengo mailan lehiatzen da, onenen aurka. Horrez gain, klubak dituen balioetako asko nireak egiten ditut: egunero lan egiteko mentalitatea, esfortzua edota gogor lan egitea", esan du.
Era berean, Lucas Fernandez taldeko entrenatzaileak eskoltaren lan egiteko gogoa nabarmendu du: "Emakumezkoen Endesa Liga ondo ezagutzen duen jokalaria da, edozertan laguntzeko prest dago beti, partidaren arabera edota taldearen beharrizanen arabera. Kantxako bi aldeetan asko lagun dezakeen jokalaria dela uste dugu".
Zure interesekoa izan daiteke
Lointek Gernikak Isabelle Bourne sinatu du, 2025-2026 denboraldiko amaierara arte
Australiar jokalaria Australiako ligatik ailegatu da euskal taldera; aurreko denboraldian, partida bakoitzeko bataz beste 16 puntu eta 5,4 errebote lortu zituen.
Sarah Pollerosek Lointek Gernika utzi du
Jokalari alemaniarrak ez du Bizkaiko taldean jarraituko; 2025eko udan ailegatu zen bertara.
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.