Lointek Gernikak 78-59 menderatu du Zaglebie Sosnowiec, bigarren zati bikaina jokatuta
Lointek Gernika Bizkaiak Zaglebie Sosnowiec menderatu du asteazken gauean, Malosten, 78-59, 2023-24 denboraldiko EuroCupeko multzo faseko hirugarren jardunaldian. Bizkaiko taldeak, horrela, aurreneko garaipena eskuratu du aurtengo EuroCupen, eta, behin-behinean, bere multzoko bigarren postuan jarri da. Lucas Fernandezen jokalariak oso ondo aritu dira bigarren zatian, bereziki hirugarren laurdenean; izan ere, 16-4ko partziala lortu dute horretan.
Aurreko astean, Lointek Gernikak, Malosten ere, galdu egin zuen Lattes Montpellier, eta, ondorioz, neurketa oso garrantzitsua zen Gernika-Lumoko taldearentzat. Egia esan, Poloniako taldearentzat ere bai; biek ala biek porrot bana zuten sailkapenean, Frantziako taldearen aurka galduta, eta norgehiagoka honetan garaipena eskuratzeak zekarren aurrea hartu eta lehenengo kolpea eman, bien arteko lehian. Maila handiko Europako gaua zen, ezinbesteko erronka, eta hori giroan antzematen zen: ilusioa zen nagusi, baina tentsioa eta erantzukizuna ere bai.
Bi taldeak oso parean ibili dira aurreneko laurdenean, ia horren amaierara arte. Zaglebie markagailuan aurrea hartzen ahalegindu da, baina Lointek Gernikak eutsi egin dio, gertu izan da une oro. Hala, 13-13koan, Lucas Fernandezen taldeak bi hiruko saskiratze sartu ditu jarraian, eta 19-13 jarri dira goitik; Maloste itxaropentsu zegoen, orduan, bai eta lehenengo hamar minutuak burututa, etxekoak 21-15 ari baitziren irabazten.
Bigarren laurdenean, bi zati oso bestelakoak izan dira. Lehenengoan, Lointek Gernikak, joko bizia eta azkarra eginda eta errebotea ondo itxita, 15 puntuko aldea ezarri du, 37-22koan. Ematen zuen Bizkaiko taldea nagusi izan zitekeela, baina Zaglebiek erantzun bikaina eman du, 0-12ko partziala erdietsita. Atsedenaldian, hortaz, Bizkaiko taldea 37-34 ari zitzaion gailentzen aurkariari, hiru puntuko aldea zuen, beraz.
Hasiera ona ez bada ere (hain zuzen ere, Poloniako taldea aurretik jarri da, 37-38), hirugarren laurdenean bikain aritu da Lointek Gernika. Lucas Fernandezek entrenatzen dituen jokalariek hamabost puntuko aldea kokatu dute markagailuan beste behin, 53-38koan (hori izan da azken emaitza), eta, horrez gain, lortu dute aurkariak soilik lau puntu egitea atsedenaldiaren osteko lehen hamar minutuetan. Ederto aritu dira defentsan etxekoak, oso sendo, eta joko bizia egin dute, zati horretan.
Garaipena gertutik ikusten ari zirela, Bizkaiko taldeko jokalariek ez dute estutasunik izan azken laurdenean; are gehiago, abantaila handitu egin dute, eta hori oso garrantzitsua izan liteke, kontuan izanik basketaverage izenekoa erabakigarria izan litekeela, hurrengo faserako sailkatzea zein taldek lortzen duen zehazteko. Hala, azken emaitza, 78-59koa, esanguratsua da, eta zuzen laburbiltzen du Malosteko kantxan ikusitakoa. Lointek Gernika gehiago izan da, eta meritu handiko garaipena bereganatu du.
Fitxa teknikoa
78.- Lointek Gernika (21+16+16+25): Ariztimuño, Berger (13), Nikitinaite (21), Milapie (5) eta Silva (9) -hasierako taldea- Bradford (16), Alberdi, Buch (5), Flores (2) eta Madera (7).
59.- Zagelbie Sosnowiec (15+19+4+21): Jones (5), Wadoux (17), Zempare (12), Marciniak eta Dornstauder (18) -hasierako taldea- Jasiulewicz (5) eta Wnorowska (2).
Partzialak: 21-15, 37-34 (atsedenaldian), 53-38 eta 78-59 (amaieran).
Epaileak: James Kerry Dominique (Gibraltar), Jose Pedroso (Portugal) eta Josh Bowe (Erresuma Batua). Milapie kanporatu dute, 38. minutuan, bost falta egin izateagatik.
Gertakizunak: EuroCupeko multzo faseko hirugarren jardunaldiko partida. Malosten jokatu dute, eta ia beteta izan a hori.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.