Lointek Gernika porrotarekin estreinatu da EuroCupen, Lattes Montpellierren aurka (69-70)
Lointek Gernika Bizkaiak galdu egin du ostegun honetan EuroCup txapelketan, Lattes Montpellierren aurka (69-70). Ramat Hasharon talde israeldarraren aurkako lehen partida bertan behera geratu ondoren, euskaldunek etxean ekin diote Europako txapelketari, Gernikan. Hasiera kaskarra izan arren, markagailuari buelta ematea lortu dute, baina azken segundoetan jasotako hiruko batek porrota ekarri die.
Bisitariek indartsu hasi dute partida, lehen puntuak lortzeko hiruko batekin. Azkar hartu dute aurrea, eta partidaren lehen laurdenean korrontearen kontra borroka egitera behartu dituzte bizkaitarrak (5-10). Lointekek aurkarien erritmoa harrapatu du, baina Frantziako taldea bikain aritu da jaurtiketetan, eta, horri esker, abantaila txiki bat lortu du lehen laurdenerako (15-21).
Etxekoak beste txinparta batekin sartu dira bigarren laurdenean, eta markagailuan aurretik jarri dira 7-0eko partzialarekin (22-21). Aldaketa horretan zerikusi handia izan du Gernikakoen defentsako lan bikainak. Baina falta eta hiruko batekin Montpellierrek partidaren bolantea hartu du berriro (24-28). Lointek jaurtiketa gehiegi huts egiten hasi da, eta horrek abantaila ateratzea ahalbidetu die aurkariei, 5-12ko partzialarekin, atsedenaldira aurretik iristeko (33-42).
Atsedenaldiaren ostean, euskal taldea nagusitu da jokoan, eta 10-2ko partzialarekin aurkariarengandik puntu bakarrera jarri da (43-44). Pultsuari eutsi diote, baina ezin izan dute aurrea hartu hirugarren laurdenaren amaieran (52-56).
Etxekoen hiruko bati esker, Lointekek aurrea hartu du azken laurdena hasi eta berehala, eta aurretik mantendu da, gutxienekotik izan bada ere (69-67). Partidako azken minutuak oso biziak izan dira, eta bost segundoren faltan Montpellierrek garaipena lortu du hiruko jaurtiketa batekin (69-70).
Ramat Hasharon, txapelketatik at
Israelgo Saskibaloi Federazioak ostegunean FIBAri iragarri dionez, Lointek Gernika Bizkaiaren multzo berean zegoen Ramat Hasharon taldeak txapelketa uztea erabaki du. Israelgo klubak herrialdean dagoen egoeragatik hartu du erabaki hori, eta, ondorioz, D multzoa hiru taldeko multzo bezala jokatuko dute; gainerako multzoetan, aurreneko hiru sailkatuek laugarrenaren aurka lortutako emaitzak ez dituzte kontuan hartuko.
Testuinguru horretan, Ramat Hasharonek multzo fasean jokatu beharreko partida guztiak egutegitik kendu dituzte.
Fitxa teknikoa
69 - Lointek Gernika (15+18+19+17): Ariztimuño (2), Nikitinaite (10), Berger (9), Madera (7) y Milapie (3) -hasierako bostekoa-; Flores (10), Buch (7), Bradford (15) y Da Silva (6).
70 - Lattes Montpellier (21+21+14+14): Bernies (3), Alston (17), Toure (17), Badiane (7) y Linskens (18) -hasierako bostekoa-; Rabot (3), Naigre (2) y Zemoura (3).
Epaileak: Andrea Bongiorni (Italia), Elvis Binders-Coders (Letonia) eta Tiago Roxo Perdigao (Portugal). Milapie kanporatu dute faltengatik.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.