Lattes Montpellier, Ramat Hasharon eta MB Zaglebie Sosnowiec, Lointek Gernikaren lehen aurkariak, Eurocupen
Lattes Montpellier (Frantzia), Ramat Hasharon (Israel) eta MB Zaglebie Sosnowiec (Polonia) izango dira Lointek Gernika Bizkaiaren aurkariak 2023-24 denboraldiko Eurocupeko multzo fasean, asteazken goizean FIBAk Munichen (Alemania) egindako zozketak zehaztu duenez. Hala, Bizkaiko taldeak urriaren 12tik azaroaren 30era bitartean jokatuko du talde horien kontra, sei jardunalditan, "denboraldi erregularrean" (izen hori jarri dio ofizialki FIBAk fase horri). Lointek Gernika taldearen helburua izango da bere multzoko aurreneko bi postuetan amaitzea lehen fase hori (D taldean dago), eta, hori ezin badu lortu, hirugarren sailkatutako hamabi taldeen artean zortzi onenetako bat izatea (guztira, hamabi multzo daude). Sailkatzen diren 32 klubek play-offa jokatuko dute, final-zortzirenetarako sailkapenaren bila.
Testuinguru horretan, Lointek Gernikaren hiru aurkariak banan-banan aztertuta, Lattes Montpellier nabarmentzen da Frantziako Emakumezkoen Saskibaloi Liga (LFB) bi aldiz irabazi duelako (2014an eta 2016an), eta, horrez gain, bost aldiz izan delako Frantziako Kopako txapelduna (2011n, 2013an, 2015ean, 2016an eta 2021ean). 2022-23 denboraldian, Lattes Montpellierrek hirugarren postuan amaitu zuen LFB txapelketa, eta Eurocup jokatu zuen; final zortzirenetako kanporaketaraino iritsi zen (Galatasarayk kanporatu zuen, txapeldunordeak). Palais des Sports pabiloian jokatzen du etxeko talde gisa; gehienez, 1.500 zale sartu ahal dira bertan.
Ramat Hasharon ere lehiatu zen Eurocupen aurreko denboraldian, eta multzo fasean kanporatu zuten. Tel Avivetik oso gertu, zortzi bat kilometrora, dagoen izen bereko hiriko taldea da. Israelgo azken denboraldian, Ligan, Ramat Hasharon finalaurrekoetaraino heldu zen; Makabi Hashdodek kanporatu zuen (finalean, Elitzur Ramla txapeldunak menderatu zuen). Lau aldiz izan da Israelgo txapelduna (2003an, 2005ean, 2009an eta 2010ean), eta 2004-05 denboraldiko Eurocupen hirugarren postua eskuratu zuen. ORANIM Hallen jokatzen du etxeko talde bezala, eta 1.000 zalerentzako edukiera du.
MB Zaglebie Sosnowiec taldea, Lointek Gernikaren hirugarren aurkaria, finalerdietaraino iritsi zen 2022-23 denboraldian Poloniako Ligan (Basket Liga Kobiet, BLK). Sosnowiec hirian jokatzen du, Hala Widowiskowo-Sportowa pabiloian.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.