Lointek Gernikak galdu egin du Virtus Boloniaren aurka
Lointek Gernika Bizkaiak galdu egin du Virtus Segafredo Boloniaren aurka (62-67) jokatu duen Eurokopako multzoen faseko laugarren jardunaldiko partidan. H multzoko beste partidan, Roche Vendeek lidergoa sendotu du Flammes Carolori irabazita (69-72), eta Gernika-Lumoko taldeak bigarren postuan jarraitzen du.
Norgehiagokako lehen hamar minutuak parekatuak izan dira. Bi taldeetako batek ere ez du lortu markagailuan zulo handia irekitzea. Italiako taldeak hiru puntuko errenta (7-10) izan du laurdenaren erdialdean. Ondoren, Lointek Gernikak izan du abantaila (13-10). Lehen laurdena bukatzeko hiru minutu falta zirenean, berdinduta zegoen markagailua (15-15), baina Gernika-Lumoko taldearen aldeko 18-15eko emaitzarekin bukatu da.
Hasiera bikaina eman dio Lointek Gernika Bizkaiak bigarren laurdenari. Nagusi izan da Mario Lopezek zuzentzen duen taldea, eta abantaila handitzen joan da pixkanaka. Etxeko taldea 14 puntuko abantailarekin iritsi da atsedenaldira (40-26).
Bigarren laurdenean lortu duen errentari ondo eutsi dio Bizkaiko taldeak hirugarren laurdenaren erdialdera arte. Hortik aurrera, baina, Virtus Segafredo Boloniak desabantaila murriztea lortu, eta zortzi puntura gerturatu da (48-40). Hala ere, Lointek Gernikak ondo kudeatu ditu azken minutuak, eta 11 puntuko errenta lortu du (52-41) hirugarren laurdenaren amaieran.
Dena alde zuen Lointek Gernika Bizkaiak azken laurdenari ekin aurretik, baina Virtus Boloniak ez du etsi, lanean jarraitu du, eta bost puntura hurbildu da (56-51) amaierarako bost minutu falta zirenean. Gero, Italiako taldeak markagailua berdintzea lortu (59-59), eta aurrea hartu du jarraian (59-61). Azken minutuan, Virtus Segafredo Bolonia izan da nagusi, Lointek Gernika Bizkaia ezinean ibili da, eta Italiako taldeak lortu du garaipena (62-67).
Fitxa teknikoa:
62 - Lointek Gernika Bizkaia (18+22+12+10): Roselis Silva (5), Bjorklund (4), Arrojo (2), Brcaninovic (15) eta Moore (17); Ariztimuño (8), Buch (9) eta Ginzo (2).
67 - Virtus Segafedo Bolonia (15+11+15+26): Battisodo (7), Dojkic (13), Zandalasini (6), Brianna Turner (6) eta Hines-Allen (34); Barberis (1), Pasa eta Tava.
Partzialak 18-15, 40-26 (atsedenaldia); 52-51 eta 62-67 (amaiera).
Epaileak: Georges Wolzfeld (Luxenburgo), Josh Bowe (Erresuma Batua) eta Paul Unsworth (Erresuma Batua). Ez dute inor kanporatu.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.