Lointek Gernikak galdu egin du La Roche Vendeeren aurka (78-90)
Lointek Gernika Bizkaiak galdu egin du La Roche Vendee taldearen aurka (78-90) etxean jokatu duen Eurokopako multzoen faseko bigarren jardunaldiko partidan. H multzoko beste neurketan Flammesek mendean hartu du Virtus Bolonia (84-46). La Roche Vendeek bi garaipen lortu ditu lehen bi neurketetan, Gernika-Lumoko taldeak eta Flammesek norgehiagoka bana dute irabazita, eta Boloniak bi porrot jaso ditu.
Neurketako lehen saskiratzea Bizkaiko taldeak lortu duen arren, talde bisitariaren erantzuna azkarra izan da zazpi puntu jarraian erdietsita (2-7). Lointek Gernika ezinean ibili da lehen laurdenean, eta La Roche Vendeeren nagusitasuna erabatekoa izan da. Frantziako taldeak zuloa ireki du markagailuan (8-21), abantaila handiak lortu ditu eta 20-32ko emaitzarekin bukatu dira hasierako hamar minutuak.
Bigarren laurdenaren hasieran hamabost puntuko desabantaila izan du Gernika-Lumoko taldeak (25-40), baina Mario Lopezek zuzentzen duen taldeak bederatzi puntura murriztea lortu du (31-40) atsedenaldira iristeko lau minutu falta zirenean. Hala ere, La Roche Vendeek berriz nagusi izatea lortu du laurdenaren azken txanpan eta 21 puntuko errentarekin iritsi da atsedenaldira (33-54).
Atsedenaldiaren ostean, Lointek Gernika Bizkaiari kosta egin zaio norgehiagokari erritmoa hartzea, eta partida oso maldan gora jarri zaio (33-57). Etxeko taldeak, ordea, lanean jarraitu du, eta desabantaila murrizten hasi da pixkanaka, hirugarren laurdena bukatzeko hiru minutu baino gutxiago falta zirenean zortzi puntura hurbildu (56-64) delarik. Lan bikaina egin du Bizkaiko taldeak, eta hamar puntuko desabantailarekin (61-71) ekin dio azken laurdenari.
Amaierako hamar minutuetan, talde bisitariak kontrolpean izan du norgehiagoka, eta ez dio utzi talde gernikarrari emaitza gehiegi estutzen. Hamar puntura gerturatu da etxeko taldea (64-74), baina La Roche Vendee taldeak ondo kudeatu ditu azken minutuak, eta Lointek Gernika Bizkaia galtzaile atera da (78-90).
Fitxa teknikoa:
78 - Lointek Gernika Bizkaia (20+13+28+17): Roselis Silva (5), Buch (13), Arrojo (8), Ginzo (14) eta Tinara Moore (11) -hasierako taldea-; Ariztimuño (8), Bjorklund (8), Brcaninovic (11) eta Alberdi.
90 - La Roche Vendee (32+22+17+19): Ana Suarez (10), Monpierre (2), Bankole (29), Kone (17) eta Tiffany Clarke (23) -hasierako taldeal-; Franchelin, Pedroso (6) eta Morrison (3).
Emaitza laurden bakoitzaren amaieran: 20-32, 33-54 (atsedenaldia); 61-71 eta 78-90 (amaiera).
Epaileak: Simon Unsworth (Britainia Handia), Jose Pedroso (Portugal) eta Ritvars Helmsteins (Letonia). Monpierre kanporatu dute, 30. minutuan.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.