Lointek Gernikak bikain ekin dio Europako ibilbideari Virtus Boloniari estreinako partida irabazita
Lointek Gernika Bizkaia taldeak garaipenarekin ekin dio Eurokopa txapelketari ostegun honetan Virtus Segafredo Boloniaren aurka lehen jardunaldiko partida irabazi egin baitu, 60-65eko emaitzarekin.
Lehen hamar minutuak parekatuak izan dira. Lointek Gernikak izan ditu abantaila handienak, baina Virtus Boloniak ez dio ihes egiten utzi. Bizkaiko taldeak lau puntuko errenta eskuratu du lehen laurdena amaitzeko lau minutu eta erdi falta zirenean, baina etxeko taldeak ez dio abantaila handitzen utzi, eta berdinduta amaitu da lehen laurdena (18-18).
Bigarren laurdenari hasiera ona eman dio Gernika-Lumoko taldeak, eta azkar ireki du zuloa markagailuan (21-27). Hamar puntuko abantaila eskuratu du laurdena bukatzeko hiru minutu falta zirenean (24-34), eta aldeko 30-41eko emaitzarekin iritsi da atsedenaldira.
Aldageletatik kantxara itzuli ostean, errenta handitu du Lointek Gernikak (31-45), baina Virtus Boloniak ez du etsi eta zortzi puntura gerturatu da (42-50). Azkenean, hamar puntuko abantaila lortu du talde bizkaitarrak hirugarren laurdena amaitu denean (44-54).
Euskal taldea ez da gai izan neurketa erabakita uzteko, abantaila handiak izan dituen arren, eta Virtus Bolonia horretaz baliatu da partidan sartzeko eta lehia estutzeko. Italiako taldea hiru puntura hurbildu da (56-59) norgehiagoka amaitzeko hiru minutu falta zirenean. Bukaerarako 20 segundoren faltan, ordea, puntu bakarrekoa izan da Bizkaiko taldearen errenta (60-61). Hala ere, Lointek Gernikako jokalariak ez dira urduri jarri, ondo kudeatu dituzte azken segundoak eta garaipenak ez die ihes egin (60-65).
Fitxa teknikoa:
60 - Virtus Segafedo Bolonia (18+12+14+16): Barberis (4), Battisodo (2), Dojkic (19), Zandalasini (14) eta Hines-Allen (20); Pasa, Ciavarella, Tava, Laterza (1) eta Tassinari.
65 - Lointek Gernika Bizkaia (18+23+13+11): Silva (12), Buch (7), Roundtree (14), Arrojo (10) eta Moore (12); Ariztimuño (7), Brcaninovic (3), Ginzo eta Alberdi.
Partzialak: 18-18, 30-41 (atsedenaldia); 44-54 eta 60-65 (amaiera).
Epaileak: Alfred Jovovic (Kroazia), Emma Perry (Irlanda) eta Tom Dehondt (Belgika). Ez dute inor kanporatu.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.