Lointek Gernika Europako bere lehen final-laurdenak lortzen saiatuko da Errumanian
Lointek Gernika Bizkaia Eurokopako final-laurdenetan izan nahi du lehen aldiz, eta, horretarako, astearte honetan jokatu behar duen final-zortzirenetako partida gainditu beharko du Errumaniako ACS Sepsi taldearen aurka. Kanporaketa partida bakarrera jokatuko da, Sfantu Ghede hirian (Errumania).
Bere kantxan arituko den Sepsi gaindituz gero, euskal taldeak datorren apirilean lehiatuko den lauko finalerako txartela izango luke jokoan ostegunean bertan, Errumaniako kantxa berean. Balizko neurketa horretan, Italiako Reyer Veneziak eta Poloniako Gorzowk jokatuko duten kanporaketako irabazlea izango lukete aurrez aurre gernikarrek.
Mario Lopezek zuzentzen duen taldeak Valentzia Basketen aurka galdu zuen final-zortzirenetan joan zen denboraldian, eta, hartara, beste aurrerapauso bat gehiago eman nahi du. Hitzordu garrantzitsu horretara bere jokalari guztiak jokatzeko gertu dituela heldu da Gernikako taldea, otsailean izandako covid-19 kasuak behin atzen utzita. Izan ere, egoera horrek Emakumezkoen Endesa Ligako lau partida atzeratzea behartu zuten.
Hutsune bakarra Naiara Diez kapitainarena izango da, joan zen astean saskibaloitik erretiratuko zela iragarri baitzuen, elitean hamabost denboraldi egin ondoren.
Nafarrak ez zuen parte hartu duela hamar egun Valentzian jokatu zen Erreginaren Kopan. Lointekek finalerdietara sailkatzea lortu zuen orduko hartan, Ciudad de La Laguna Teneriferi irabazita, baina Valentzia Basketen aurka galdu zuten gerora.
Kopako hitzorduaren ondoren, Bizkaiko taldeak beste bi partida jokatu zituen iragan astean, Araskiren aurka irabazi zuen atzeratutako euskal derbia (79-70) eta Spar Kanaria Handiaren aurka galdutako ligako partida (73-72).
Eurokopako lehen fasea multzoko bigarren postuan sailkatuta gainditu zuen Gernikak Frantziako Carolo taldearen ostean, hau da, atzean utzi zituen Tenerife eta La Roché Vendeé.
Sepsi, bere aldetik, G multzoko txapelduna izan zen, bi lehia irabazi eta bat galduta. Fase horretan Rebekah Gardner eskolta estatubatuarra (17 puntu eta 7 errebote) eta Jovana Pasic (11 eta 4) jaurtitzaile serbiarra izan ziren jokalari nabarmenenak Errumaniako taldean.
Errumaniarrak, gainera, euren ligako liderrak dira, 18 jardunaldi jokatu eta bat bera ere galdu gabe, baita Kopako txapeldunak ere.
Astearteko partida zein ostegunekoa, lehendabizikoa gaindituz gero, zuzenean ikusi ahal izango dira ETB4n eta eitb.eus-en, 18:00etatik aurrera.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.