Lointek Gernikak 10 puntu irauli behar ditu gaur Fontetan
Lointek Gernika Bizkaiak Fuente de San Luis pabilioia bisitatuko du gaur (20:00etan), Valentzia Basketek joan zen astean Malosten lortu zuen hamar puntuko errenta iraultzeko asmoz (61-71).
Joaneko partidako emaitzak asko zaildu die bizkaitarrei Eurokopako final-laurdenetara sailkatzea. Halaber, Mario Lopezen taldeak bi porrot pilatu ditu jarraian; izan ere, asteburuan ere galtzaile atera zen etxean, Gironaren aurkako Ligako norgehiagokan (60-69).
Katalanen kontra ez irabazteak, gainera, Endesa Ligako sailkapeneko bigarren postutik hirugarrenera jaistea ekarri die gernikarrei, orain Perfumerias Avenidaren eta Gironaren atzetik baitaude.
"Lehenik eta behin kanporaketari buelta eman diezaiokegula sinetsi behar dugu. Badakigu giro bikaina egongo dela Fontetan, baita Valentziak kanporaketa ondo bideratuta daukala ere, baina gure aukerak baliatzen saiatuko gara ", adierazi du Mario Lopez entrenatzaileak.
Bestalde, Lopezek ez du azken unera arte jakingo Nogaye Lo pibot internazionala jokatzeko moduan izango duen. Jokalari mallorcarra baja izan zen joaneko neurketan belaunean duen bihurrituaren ondorioz, eta taldeak asko nabaritu zuen haren hutsunea.
Hiribilduko klubetik azpimarratu dutenez, kanporaketari buelta emateko aukerak izateko, "kontzentrazioari eutsi" behar diote berrogei minutuetan zehar eta "presarik eta antsietaterik gabe" jokatu. "Ez gara lehenengo minutuan irabazten edota errenta murrizten saiatu behar. Funtsezkoa da perimetroan asmatzea, errebotea ziurtatzea eta korrika egitea ", nabarmendu dute.
Zure interesekoa izan daiteke
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.
Gernika KESB taldeak Sofian jokatuko ditu Elitzur Ramlaren aurkako Europako bi partidak
Bizkaiko taldeak adierazi duenez, Bulgarian jokatuko ditu, ateak itxita, Israelgo taldearen aurkako EuroCup Women ligako neurketak.
Lointek Gernikak ezin izan du Universitas Pecsen aurka, Malosten (63-66)
Oso berdinduta izan den partidan, bi taldeek izan dute irabazteko aukera, baina, azkenean, Lucas Fernandezen jokalariek ezin izan dute mendean hartu C multzoko liderra.
Lointek Gernikak azken laurdenean erabaki du partida Portugalen
Lucas Fernadezen taldeak Eurokopako lehen fase honetako bigarren garaipena eskuratu du, sasoiko lehena etxetik kanpo.
Lointek Gernika Bizkaiak Sara Krnjic pibot serbiarra fitxatu du
193 zentimetroko altuera duen Krnjicek Serbiako ligan hasi du denboraldia, baina azkenengo urteak Hungariako ligan eman ditu.
Lointek Gernikak azken hatsean galdu du NKA Pécsen aurka (62-60)
Azken segundoan egindako saskiratzeak zapuztu du euskal taldearen garaipena, Hungarian, emozioz beteriko amaiera batean.
Lointek Gernikak nagusitasunez hasi du Eurokopa Uniao Sportivaren aurka (82-61)
Bizkaiko taldeak sekulako debuta sinatu du Malosten, eta hasieratik amaierara arte menderatu du Portugaleko taldea.