Lointek Gernikak 18 puntuko aldeari eutsi behar dio gaur Hungarian
Lointek Gernika Bizkaiak KSC Szekszarden aurkako kanporaketako itzuliko neurketa jokatuko du gaur Hungarian (18:00), emakumezkoen Eurokopako final-zortzirenetara sailkatzeko asmoz.
Bizkaitarrek 18 puntuko tartea dute alde, Malosten 91-73 irabazi eta gero, eta dena aldeko dutela dirudi. Alabaina, ez dira fio, Szekszard hiriko taldea (32.000 biztanle inguru) bere kantxan aurkari gogorra izatea espero baitute.
Izan ere, Hungariako taldeak lehia bakarra galdu zuen multzoen fasean, eta, hartara, multzoko lehen postua eskuratu zuen. Fase horretan, bi neurketa irabazi zituen 18 puntu baino gehiagoko aldeagatik, biak ere Alemaniako taldeen kontra: Rutronik Stars Keltern (83-48) eta Herner TC (85-61). Alabaina, zailtasun gehiago izan zituen Belgikako Basket Hema SKW (59-55) mendean hartzeko. Belgikan, ostera, galdu egin zuen haien aurka (67-48).
Dena dela, Mario Lopezen taldea denboraldi bikaina egiten ari da, Endesa Ligan zein Europan, eta zazpi garaipen jarraian lortu ditu 2020an. Ondorioz, sailkapena lortzeko faborito argiak dira, joanekoan gertatutakoaren ostean.
Aipatu norgehiagokan, honako jokalari hauek nabarmendu ziren gernikarren aldetik: Julie Wojta (13 puntu, 6 errebote, 6 asistentzia eta 23 puntuko balorazioa), Blake Dietrick (18 puntu, 7 asistentzia eta 21eko balorazioa), Belen Arrojo Granadako hegal-pibota (12 puntu, 4 errebote eta 18 puntuko balorazioa), Nikolina Milic pibot bosniarra (21 puntuko balorazioa) eta Gaby Ocete joko-antolatzaile balearra (10 puntu, 4 asistentzia eta 13 puntuko balorazioa).
Bisitariei dagokienez, berriz, Sara Krnic pibota (16, 7 eta 16), Tyaunna Dominique Marshall estatubatuarra (15, 6 eta 18) eta Ivana Djokic kroaziarra (14) bereizi ziren gainerako taldekideengandik.
Zure interesekoa izan daiteke
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.
Gernika KESB taldeak Sofian jokatuko ditu Elitzur Ramlaren aurkako Europako bi partidak
Bizkaiko taldeak adierazi duenez, Bulgarian jokatuko ditu, ateak itxita, Israelgo taldearen aurkako EuroCup Women ligako neurketak.
Lointek Gernikak ezin izan du Universitas Pecsen aurka, Malosten (63-66)
Oso berdinduta izan den partidan, bi taldeek izan dute irabazteko aukera, baina, azkenean, Lucas Fernandezen jokalariek ezin izan dute mendean hartu C multzoko liderra.
Lointek Gernikak azken laurdenean erabaki du partida Portugalen
Lucas Fernadezen taldeak Eurokopako lehen fase honetako bigarren garaipena eskuratu du, sasoiko lehena etxetik kanpo.
Lointek Gernika Bizkaiak Sara Krnjic pibot serbiarra fitxatu du
193 zentimetroko altuera duen Krnjicek Serbiako ligan hasi du denboraldia, baina azkenengo urteak Hungariako ligan eman ditu.
Lointek Gernikak azken hatsean galdu du NKA Pécsen aurka (62-60)
Azken segundoan egindako saskiratzeak zapuztu du euskal taldearen garaipena, Hungarian, emozioz beteriko amaiera batean.
Lointek Gernikak nagusitasunez hasi du Eurokopa Uniao Sportivaren aurka (82-61)
Bizkaiko taldeak sekulako debuta sinatu du Malosten, eta hasieratik amaierara arte menderatu du Portugaleko taldea.