Lointek Gernikak aise irabazi dio Minski, eta final-hamaseirenetan izango da (83-56)
Lointek Gernika Bizkaia Eurokopako final-hamaseirenetan izango da Tsmoki-Minsk talde bielorrusiarrari berriro gailendu baitzaio, oraingo honetan Malosten (83-56).
Neurketaren hasiera parekatua jokatu ostean, non Minskekoek lau puntuko abantaila izatera iritsi diren zenbait unetan (8-12), berdinketa egon da markagailuan lehen laurdenaren amaieran (18-18).
Oso bestelakoa izan da bigarren laurdena, bizkaitarrek defentsa tenkatu eta presio itogarria erabilita ideia gabe utzi dituzte aurkariak. Gernikarrak, berriz, puntuak sartu eta sartu ibili dira Naiari Diezen eta Nogay Loren eskutik batik bat, eta, ondorioz, tarte horretako partziala oso esanguratsua izan da (24-9). Halaber, atsedenaldira iritsi direnerako 15 puntu tartea zegoen etxekoen alde markagailuan (42-27).
Bigarren zatiari ondo ekin dio Bielorrusiako taldeak lau puntu jarraian sartu eta aldea 11 puntura murriztuta (42-31), bederatzira jartzea ere lortu dute (47-38). Alabaina, bizkaitarrek ez du ezustekorik nahi izan, eta Belen Arrojoren lan bikaina oinarritzat hartuta suspertu egin dira berriro markagailuko aldea are gehiago handitzeko (67-46).
Dena erabakita zegoela ikusita, azken laurdenak apenas izan du zirrararik. Azkenerako, Lointekek hogeita zazpi puntuko garaipen zabala erdietsi du. Etxekoen partetik jokalari guztiak jardun dute maila onean, baina Nikolina Milic nabarmendu da denen gainetik (24 puntu eta 3 errebote).
Hurrengo kanporaketari bi aste barru ekingo diote Mario Lopezen neskek, eta horrako horretan Hungariako KSC Szekszard taldea izango dute aurrez aurre. Lehendabiziko neurketa Malosten izango urtarrilaren 22an, eta bueltakoa urtarrilaren 29an, Hungarian.
Fitxa teknikoa:
83 - Lointek Gernika Bizkaia (18+24+25+16): Ocete (-), Dietrick (10), Arrojo (6), Wojta (6) eta Milic (24) -hasierako bostekoa- Ariztimuño (5), Diez (10), Lo (10), Mazionyte (10), Molina (2) eta Alberdi (-).
56 - Tsmoki Minsk (18+9+19+10): Bartakova (-), Murauskaya (15), Rybalka (2), Hasper (13) eta Theriot (10) -hasierako bostekoa- Chidom (13), Stsiapanava (-) eta Vasishchevich (3).
Árbitros: Paulo Marques (Portugal), Christina Manoli (Frantzia) eta Cecilia Toth (Hungaria). Ez da kanporaturik egon.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.