Leonardo Tote pibot italiarrak Bilbao Basketen jokatuko du denboraldia bukatu arte
Leonardo Tote 23 urte eta 2,11 metroko pibot italiarrak RETAbet Bilbao Basket taldean jokatuko du 2020-2021eko denboraldia bukatu arte, talde bilbotarraren barneko jokoa indartu nahian Endesa Ligako azken partidei begira.
RETAbet Bilbao Basketek sarean jakinarazi duenez, jokalaria Fortitudo Bologna taldetik dator; hain zuzen, Bilboko taldeak italiarren aurka jokatu zuen Basketball Champions League txapelketako multzoen fasean. Italiako Serie A ligan 19 minutu jokatu ditu batez beste partidako, 8,6 puntu eta 3,8 errebote lortuz.
Bilboko taldeko pibot berriak Italiako selekzioko kategoria gazteetan jokatu du, eta selekzio nagusiarekin jokatzeko ere deitu dute 2022ko Eurobasketerako sailkatzeko FIBA leihoetan, baina ez du debutatu.
Toterekin Bilbao Basketek azken asteetan gutxitutako barne-jokoa indartuko du. Ondrej Balvin, Arnoldas Kulboka eta Regimantas Miniotas ezin izan ziren joan den larunbatean entrenamenduetara itzuli taldekideekin batera, jokalariek egin behar izan zuten hamar eguneko konfinamenduaren ondoren, oraindik birusaren sintomak zituztelako.
Bilboko taldeak Endesa Ligan jarraitzea jokatzen du bost partidatako azken esprint honetan. Lehena asteazken honetan izango da, Miribillan, Herbalife Gran Canariaren kontra (18:30ean).
Ondoren, Urbas Fuenlabrada hartuko du hilaren 15ean (20:45ean), larunbata; 18an, asteartea, Hereda San Pablo Burgos (18:30ean) eta Badalonako Joventuta hilaren 23an (igandea), oraindik ordutegirik zehaztu gabe dagoen azken liga-talkan.
Azken partida horren aurretik, Alex Mumbruren jokalariek Real Madril liderra bisitatuko dute hilaren 20an (21:15ean).
Denboraldi honetan zazpi garaipen besterik ez ditu lortu, eta Bilbao Basket azkenaurrekoa da taulan, Acunsa GBCrekin berdinduta eta Movistar Estudiantesen bi garaipenetara.
Endesa Ligan mantentzeko, gutxienez bost partida horietatik hiru irabazi beharko ditu. Lau izango dira, baldin eta Estudiantesek San Pablo Burgos gainditzen badu.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.
Surne Bilbaok multzoko lehenengo postua ziurtatu nahi du FIBA Europa Kopan, asteazkenean, Salonikan, PAOKen aurka
Partida 16:30ean hasiko da, eta kirolakeitb.eus-en eta ETB4ren bitartez emanen da, zuzenean. Euskal taldeak garaipena edo 22 puntu baino gutxiagoko aldez galtzea lortzen badu, multzoko lehenengo sailkatua izanen da txapelketaren bigarren fasean.
Surne Bilbao Basketek seigarren garaipena jarraian lortu du Zaragozan 82-84 irabazita
Surne Bilbao Baskete Casademont Zaragozari gailendu zaio larunbat honetan (82-84) eta seigarren partida jarraian irabazi du Endesa Ligan. Partida orekatua jokatu dute bi taldeek eta etxekoek irabazteko aukera izan dute azken momentura arte.
Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.