Bilbao Basketek jipoia hartu du Kanaria Handiaren etxean (92-54)
Herbalife Kanaria Handiak Bilbao Basket egurtu du 92 eta 54 Endesa Ligako 19. jardunaldian. Bilbotarrek ez dute euren lekua aurkitu neurketa osoan eta kanariarrek, garaipen honi esker, hiru porroteko bolada txarra etetea lortu dute. Bi taldeak play-offean sartzeko lehian ari dira.
Hasiera kaskarra izan dute bi taldeek, baina Herbalifek berehala hartu dio neurria partidari eta 12-3 aurreratu dira lehen 5 minutuen ostean. Lehen laurdenaren amaieran, aldea 12 puntura arte handitu dute (22-10).
Bigarrenean, gauzak ezer gutxi aldatu dira. Bilbotarrek jokoari abiadura ematen saiatu dira, baina kanariarrek kanpotik egindako jaurtiketek min handia egin dute eta bi taldeen arteko zuloa 22 puntuetara iritsi da atsedenaldian (48-26).
Hirugarren laurdenean, Mumbruren taldea esnatu egin da eta aldea 14 puntura murriztu du (55-41). Baina egoerak ez du jarraipenik izan eta hirugarren laurdenaren amaieran 23 puntura izan dira kanariarrak (68-45).
Azkeneko laurdenean, partidak gorabehera asko izan ditu, baina Herbalifek ez du kontrola galdu eta bizkaitarrek huts ugari egin dituzte. Azken emaitzak ez du bilbotarren partida txarraren inguruan zalantzarik utzi: 92 eta 54, Bilbao Basket galtzaile, 38 puntugatik.
Fitxa teknikoa:
92. Herbalife Gran Canaria (22+26+20+24): Rabaseda (-), Shurna (13), Costello (10), Cook (4), Harper (24) -hasierako boskotea- Bourousis (2), Santana (4), Burjanadze (2), Beirán (16), Okoye (14), Diop (3) eta Paulí (-).
54. RETAbet Bilbao (12+14+19+9): Brown (3), Schreiner (3), Balvin (-), Bouteille (15), Kulboka (2) –hasierako boskotea- Rousselle (10), Rodríguez (-), Rigo (-), Cruz (2), Martínez (3), Sulejmanovic (10) eta Lammers (6).
Zure interesekoa izan daiteke
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.
Surne Bilbaok multzoko lehenengo postua ziurtatu nahi du FIBA Europa Kopan, asteazkenean, Salonikan, PAOKen aurka
Partida 16:30ean hasiko da, eta kirolakeitb.eus-en eta ETB4ren bitartez emanen da, zuzenean. Euskal taldeak garaipena edo 22 puntu baino gutxiagoko aldez galtzea lortzen badu, multzoko lehenengo sailkatua izanen da txapelketaren bigarren fasean.
Surne Bilbao Basketek seigarren garaipena jarraian lortu du Zaragozan 82-84 irabazita
Surne Bilbao Baskete Casademont Zaragozari gailendu zaio larunbat honetan (82-84) eta seigarren partida jarraian irabazi du Endesa Ligan. Partida orekatua jokatu dute bi taldeek eta etxekoek irabazteko aukera izan dute azken momentura arte.
Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.
Surne Bilbaok bolada onari eutsi dio Joventut garaituta (80-76)
Surne Bilbaok Joventut garaitu du Miribillan (80-76), hasieratik amaierara mendean izan duen partidan, eta zazpigarren garaipena jarraian eskuratu du horrela; horietako bost, Endesa Ligan.
Jaume Ponsarnau, Endesa Ligako entrenatzaile onena urtarrilean
Surne Bilbaok lau garaipen jarraian lortu ditu hilabete honetan; horrela, entrenatzailea hoberena izan da.
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.