Bilbao Basketek garaipen garrantzitsua lortu du Estudiantesen aurka
RETAbet Bilbao Basketek 87-77 irabazi dio Movistar Estudiantesi Bilbao Arenan eta garaipen garrantzitsua lortu du, Madrileko taldea aurkari zuzena baita mailari eusteko lehian. Mrsic entrenatzailearen esanetara taldeak lortzen duen lehen garaipena da Endesa Ligan. Bi garaipeneko aldea du orain Bilboko taldeak jaitsiera postuekiko.
Partida parekatuta hasi da, nahiz eta talde bisitariak abantaila hartu duen laurdenaren azken txanpan. Bi taldeetako batek ere ez du lortu markagailuan ihes egitea hasieran, baina Estudiantesek gehiago asmatu du lehen laurdenaren amaieran eta 9 puntuko abantaila eskuratu du hasierako hamar minutuetan (15-24).
Bigarren laurdenari ondo ekin dio Bilbao Basketek. RETAbet aldeak murrizten hasi da, aurkaria baino hobea izan da, eta partida berdintzea lortu du (28-28 eta 34-34). Hala ere, Movistar Estudiantes ez da behera etorri eta berriro bost puntuko aldea lortu du (34-39). Atsedenaldira iritsi baino lehen izan duen azken jabetzan, etxeko taldeak saskiratzea lortu eta desabantaila hiru puntura txikitu du (36-39).
Atsedenaldiaren ostean, aurrea hartu du Bilbao Basketek (41-39 eta 44-43), baina pozak ez dio asko iraun Bilboko taldeari, Estudiantesek berriro alde egin baitu markagailuan, 8 puntuko aldea eskuratuta (48-56). Hala ere, aldeak murriztu ditu etxeko taldeak eta hirugarren laurdena lau puntu behetik amaitu du (56-60).
Azken laurdenean bi taldeen urduritasuna nabaritu egin da. Emaitza estu joan da amaierako hamar minutuetan. Bilbao Basketek ondo ekin dio laurdenari eta partida berdintzea lortu du (64-64). Parekotasuna nagusi izan da laurden honetan eta amaierarako bos minuturen faltan berdinduta jarraitu du neurketak (72-72). Bilbao Basketek 6 puntuko abantaila eskuratu du partida amaitzeko bi minuturen faltan (79-73). Azken minutuak ondo jokatu ditu RETAbet Bilbao Basketek eta garaipenak ez dio ihes egin (87-77).
Fitxa teknikoa:
87 - RETAbet Bilbao Basket (15+21+20+31): Fischer (16), Todorovic (19), Mumbrú (7), Hervelle (7) eta Gladness (1) -chasierako bostekoa-; Salgado (13), Redivo (12), Hammink (2) eta Devin Thomas (10).
77 - Movistar Estudiantes (24+15+21+17): Cook (3), Cvetkovic (11), Vicedo (11), Suton (7) eta Brown (9) -hasierako bostekoa-; Hakanson, Brizuela, Landesberg (23), Caner-Medley (9) eta Savane (4).
Partzialak: 15-24, 36-39 (atsedenaldia); 56-60 eta 87-77 (amaiera).
Epaileak: Emilio Perez Pizarro, Juan de Dios Oyon eta Martin Caballero.
rtin Caballero.Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.