Bilbao Basketek ezin izan du Valentziaren aurka (80-83)
Bilbao Basketek porrot mingarria jaso du etxean, Valentzia Basket indartsuaren kontra (80-83). Pueyoren gizonek eskura izan dute garaipena, baina erabaki txarrak hartu dituzte azkenengo segundoetan.
Perasovicen gizonek puntu errazak lortu dituzte lehenengo laurdenean (8-17), baina Bilbao Basket esnatu egin da, eta 15-17koa jarri du markagailuan. Valentzia Basketek saskiratze garrantzitsuak lortu ditu, hiruko lerrotik (21-25), baina Bertansek bi gehi bateko ikusgarria lortu du, eta Bilboko taldea markagailuan goitik jarri da (26-25).
Roger Grimauk ederki gidatu du Bizkaiko taldearen erasoa, bigarren laurdenean, eta Rafa Pueyoren gizonek 37-33koa jarri dute. Hala ere, laranjek gogor sakatu dute Miribillako kantxan, eta Justin Doellmanek erakustaldia eman du erasoan (37-38). Atsedenaldian, Valentziako taldea 47-48 nagusi izan da.
Atsedenaldiaren ostean, Bilbao Basket galduta ibili da erasoan, eta Perasovicen gizonek 47-54koa aise jarri dute markagailuan. Van Rossomek Valentzia Basket hamar puntu goitik jarri du (49-59), baina Grimauk erakustaldia eman du kantxan, eta talde beltzak 58-59koa lortu du. Hirugarren laurdena 62-62koarekin bukatu da.
Alex Mumbruk saskiratze erabakigarriak lortu ditu azkenengo laurdenean, eta Bilbao Basket partidan sartuta mantendu da (67-67). Rafa Pueyoren gizonek 74-67koa jarri dute markagailuan, baina Perasovicen gizonek aldea aise murriztu dute (74-72). 78-78koaren ostean Gabrielek 80-78koa jarri du jaurtiketa libreekin, baina Lafayettek ez du huitsik egin eta Valentziak 80-81koa lortu du. Jokaldi erabakigarrian Raul Lopezek baloia galdu du, eta laranjek garaipena eskuratu dute (80-83).
- Fitxa teknikoa:
80 - Bilbao Basket (26+21+15+18): Raul Lopez, Pilepic (4), Mumbru (20), Hervelle (2) eta Gabriel (11) -hasierako bostekoa-; Bertans (16), Grimau (15), Vrkic (2), Markota (4), Kavaliauskas (6) eta Samb
83 - Valentzia Basket (25+23+14+21): Van Rossom (16), Rafa Martinez (10), Sato (7), Doellman (13) eta Triguero (2) -hasierako bostekoa-; Lafayette (9), Ribas (11), Dubljevic (15) eta Barton.
Partzialak: 26-25, 47-48 (atsedenaldia); 62-62 eta 80-83 (bukaera).
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.