Bilbao Basketek merezitako garaipena lortu du Estudiantesen aurka
Bilbao Basketek Endesa Ligako laugarren postuan sendo mantentzeko garaipen ederra lortui du, Asefa Estudiantesen kontra (79-88). Lehenengo zati kaskarra jokatu du Bilbo taldeak, baina atsedenaldiaren ostean jokalariak suspertu egin dira, eta Madrilgo taldea baino gehiago izan dira.
Bi taldeek saskiratze errazak lortu dituzte aurreneko laurdenean, baina Asefa Estudiantesek defentsan gogorrago jokatu du, eta markagailuan aurrea hartu du (15-9). Fotis Katsikarisen mutilak bigun egon dira defentsan, eta Madrilgo taldea nagusi izan da (27-22).
Rakovicek norgehiagoka berdindu du jaurtiketa libreetako marratik (27-27), baina Txus Vidorretaren taldeak markagailuan agintzen jarraitu du Jayson Grangerren lan bikainari esker (37-32). Mumbruk puntu garrantzuitsuak lortu ditu Bilbao Basketentzat, baina Grangerrek hiruko ikusgarria lortu du, eta atsedenaldian Estudiantes (46-39 ) markagailuan goitik mantendu da.
Bigarren zatian Uxuek aise agindu du Madrilgo kantxan, eta Raul Lopezek talde beltza markagailuan goitik jarri du (51-52). Asefa Estudiantesek Bizkaiko taldearen erasoa gelditzeko asko sufritu du, baina Fotis Katsikarisen mutilek ezin izan dute aldea asko handitu (58-65).
Azkenengo laurdeneko aurreneko minutuetan Bilbao Basketek alde polita eskuratu du (60-70), eta abantaila ondo kudeatu dute. Moermanek hamaika puntura jarri du talde beltza (63-74), eta norgehiagokako kontrola Uxuek erraz hartu du. Azkenean, Bilboko taldeak garaipen garrantzitsua eskuratu du (79-88).
Fitxa teknikoa:
79 - Asefa Estudiantes (27+19+12+21): Granger (21), Gabriel (24), Kuric (6), Kirksay (9) eta Nogueira (9) -hasierako bostekoa-, Fisher (2), Fernandez, Clark (7), English (1) eta Barnes.
88 - Uxue Bilbao Basket (22+17+26+23): Zisis (8), Pilepic (9), Hamilton (13), Mumbru (21) eta Hervelle (2) -hasierako bostekoa-, Moerman (19), Sanchez, López (7),. Rakovic (5) eta Grimau (4).
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.