Bilbao Basketek akatsak ordaindu ditu, eta Miribillak erabakiko du
Ona izan daiteke Ratiopharm Ulmen eta Bilbao Basketen arteko partidaren emaitza (85-81), Miribillan beste aukera bat dutelako Bilbokoek. Kontzentrazio falta akats larriegia izan da Bilbao Basketentzat, baina aldea gutxitu dute bukaeran.
Hasieratik erakutsi ditu azkartasuna eta irabazteko grinak Alemaniako taldeak. Bryanten joko ikaragarriak gidatuta (saskiratzaile nagusia izan da, oso akats gutxirekin), 8-4 jarri da Ratiopharm Ulm. Erasoan zailtasun batzuk erakutsi ditu, hasieran, Bilbao Basketek.
Hala ere, Alemaniako taldearen erritmo bizia onartu eta partida berdindu du Bilboko taldeak (8-8, 10-10, 12-12). Erraztasun osoz etorri dira saskiratzeak, Vasileiadisen, Mumbruren, Hamiltonen eta Rakovicen kalitateak bilbotarren aldeko abantaila zabala lortu duen arte (18-30).
Bigarren laurdenean, etxeko taldeari 12 puntuko alde hori ezabatzea utzi dio Bilbao Basketek, eta 36nako berdinketa jarri da markagailuan. Ulmeko jokalariek ez dute inoiz amorerik eman, Alemaniako saskibaloiaren erakusle. Hala ere, Uxueren erreakzioa heldu da, eta 40-44 markagailuarekin joan dira atsedenaldira.
Bi taldeen arteko berdintasunarekin jarraitu du hirugarren zatiak. Bilbao Basket, ordea, oso galduta hasi da, kontrolik gabe erasoan. Katsikarisen errietak iratzarri egin ditu jokalariak, eta atzetik mantendu dituzte alemaniarrak. Hala ere, eta Bryant aulkian egonda, Radiopharmek aurretik bukatu du (60-58).
Neurketaren unerik zailena laugarren zatiaren hasiera izan da. Bilbokoen kontzentrazio falta aprobetxatu du etxeko taldeak, eta 71-60 jarri dute markagailuan. 10 azken minutuan, momentu ona erdietsi du Bilbao Basketek, erasoan zein defentsan, baina ez da nahikoa izan Ulmen erasoaldiak gelditzeko (25 puntu egin dituzte azken laurdenean).
Alemaniako taldeak ez du urduri jokatu eta ondo mantendu da bukaerara arte: aldea 12ra eraman dute. Hala ere, Bilbao Basketen azken bultzada batek diferentziak gutxitu ditu (0-8ko partziala egin dute), eta soilik 4 puntu irauli beharko dituzte (85-81), Miribilla alde izango dutela.
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.