Uxuek galdu egin du Malagan gogor borrokatu ondoren (63-59)
Unicajak 63-59 gainditu du Uxue Bilbao Basket, Martin Carpenan. Bizkaiko taldeak azkenengo minutura arte garaipena lortzeko borrokatu du, baina Repesaren mutilek sendoago jokatu dute.
Earl Callowayek eta Simonek ederki gidatu dute Unicaja aurreneko laurdenean, eta Katsikarisen mutilek ezin izan dute erasoan erantzunik eman (10-2). Malagako taldeak erritmo bizia ezarri du Martin Carpenan, eta Uxue Bilbao Basket ezinean egon da (21-7).
Bigarren laurdenean Uxuek markagailua iraultzeko gehiago sakatu du, eta Lamont Hamiltonek puntu garrantzitsuak lortu ditu. Bilboko taldeak 28-21ekoa jarri du, baina Repesaren mutilek ondo erantzun dute, eta Pankok eta Vidalek aldea handitu dute. Atsedenladian Unicaja 10 puntu goitik izan da (34-24).
Atsedenaldiaren ostean Mumbruk eta Vasileiadisek erasoan erakustaldia eman dute, eta Katsikarisen mutilak hiru puntura jarri dira (36-33). Bilbao Basketek norgehiagoka berdindu egin du (36-36), baina Malagako taldeak kantxan agintzen jarraitu du (44-41). Hala ere, Hamiltonek markagailua irauli du 44-45koa jarrita, eta hirugarren laurdena 45-45ekoarekin bukatu da.
Bilboko taldeak akats argiak egin ditu erasoan, azkenengo laurdeneko aurreneko minutuetan, eta Unicajak aldea handitu egin du, berriz ere. Fotis Katsikarisen mutilek sakatu egin dute, baina markagailua irauli ezinik jarraitu dute (53-51). Azkenean, garaipena Jasmin Repesaren taldeak lortu du (63-59).
- Fitxa teknikoa:
63 - Unicaja (21+13+11+18): Calloway (3), Vidal (8), Simon (17), Zoric (11), Vazquez (6) -hasierako bostekoa-, Panko (11), Dragic (3), Williams (4), Lima (-), Urtasun (-) eta Perovic (0).
59 - Uxue Bilbao Basket (7+17+21+14): Zisis (2), Vasileiadis (15), Mumbru (17), Hervelle (-), Hamilton (12) -hasierako bostekoa-, Rakovic (11), Moerman (-), Grimau (2) eta Pilepic (-).
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.