Herbalifek Kopatik at utzi du Bilbao Basket (74-62)
Uxuek agur esan behar izan dio ACB Kopari, Herbalife Kanaria Handiak 74-62 aise irabazi baitu final-laurdenetako neurketa. Fotis Katsikarisen taldea ezinean aritu da, ia partida osoan, eta Xavi Reyk erakustaldia eman du taul azpian. Bizkaiko taldeak markagailua iraultzeko saiakera egin du, baina Kanaria Handiko taldea erraz nagusitu da.
Herbalife Kanaria Handiak intentsitate handiarekin hasi du neurketa, eta Fotis Katsikarisen mutilek baloia asko galdu dituzte (12-5). Hala ere, Bilboko taldeak defentsan sendoago jokatu du, eta Uxuek markagailuko aldea murriztu egin du (21-19).
Bigarren laurdenean, Pedro Martinezen gizonek abantaila polita hartu dute (28-19), baina Uxue Bilbao Basketek erantzun bikaina eman du, Lamont Hamilton estatubatuarraren eskutik (30-26). Kanaria Handiko taldeak asko sakatu du atsedenaldia heldu aurretik, baina Bizkaiko taldea lau puntura mantendu da (38-34).
Atsedenaldiaren ostean, Kanaria Handia nagusi izan da, berriz ere, Buesa Arenako kantxan, eta Xavi Reyk erakustaldia eman du erasoan (48-42). Bilboko taldeak akats argiak egin ditu erasoan, eta Herbalife 11 puntu goitik jarri da (55-44). Hala ere, Katsikarisen mutilek 55-49koa jartzea lortu dute, hirugarren laurdenaren bukaeran.
Uxue Bilbao Basketek ezin izan du markagailua irauli azkenengo laurdenean, eta Kanarietako taldeak garaipen erosoa eskuratu du. Pedro Martinezen mutilak defentsan sendo aritu dira, eta aldea handitu egin dute (64-53). Bilbao Basket ezinean aritu da, eta finalerdietarako txartela talde horiak lortu du (74-62). Herbalifek Valentzia Basketen aurka jokatuko du.
- Fitxa teknikoa:
74 - Herbalife Kanaria Handia (21+17+17+19): Bellas (8), Toolson (2), Newley (5), Nelson (11) eta Rey (22) -hasierako bostekoa-; Scheyer (12), Guerra (-), Beiran (7), Baez (5) eta Tavares (2).
72 - Uxue Bilbao Basket (19+15+15+13): Raul Lopez (3), Vasileiadis (13), Mumbru (15), Hervelle (2) eta Hamilton (12) -hasierako bostekoa-; Zisis (4), Pilepic (3), Grimau (2), Moerman (4) eta Rakovic (4).
Partzialak: 21-19, 38-34 (atsedenaldia); 55-49 eta 74-62 (bukaera).
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.