Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Radzeviciusek hiru puntu sartu ditu, norgehiagokan: EFE.
Kosner Baskoniak Paris Basketballen aurka galdu du, 81-97, 2025-2026 denboraldiko Euroligako hogeita hamargarren jardunaldian, Buesa Arenan, ostiral gauean. Hala, euskal taldeak bederatzi partida irabazita jarraitzen du nazioarteko txapelketan, eta azken bost partidak galdu ditu horretan; behin-behinean, Galbiatiren gizonak sailkapeneko hemeretzigarren postuan dabiltza.
Paris Baskonia baino gehiago izan da neurketako lehen hogei minutuetan, askoz gehiago ere. Frantziako taldeak, atsedenaldian, 21 puntuko aldea zuen, bigarren laurdena amaitu denean 37-58 irabazten ari baitzen. Francesco Tabelliniren taldea ondo aritu da hiru puntuko jaurtiketetan, eta, horrez gain, Kosker Baskoniak ez du batere asmatu defentsan; hala, markagailuan abantaila handia zuen Parisek, partidako lehen zatia jokatuta.
Hirugarren laurdenean, egoerak ez du hobera egin, Baskoniarentzat, eta Paolo Galbiatiren gizonek ezin izan dute estutu Paris Basketball taldea. Buesa Arenako zaleek ez zuten gozatzerik duela bi aste Errege Kopa modu bikainean irabazi zuen taldeaz; alderantziz, Baskoniak ez du lortu jokoari jarraikortasuna ematea, ematen zuen Gasteizko taldeari indarra falta zitzaiola aurkariari mina egin ahal izateko.
Azken hamar minutuetan, partida ildo beretik joan da; hori bai, Baskonia ahalegindu da, eta Parisekiko hamabi puntura ere jarri da, 78-90ekoan, baina ezin izan du gehiago gerturatu. Hala, talde bisitaria guztiz merezita gailendu da, eta Baskoniak, horrenbestez, igandea du jomugan, egun horretan Lleida jasoko baitu, Endesa Ligan orain.
Fitxa teknikoa
81 – Kosner Baskonia (20+17+23+21): Simmons (12), Forrest (4), Radzevicius (3), Omoruyi (17) eta Diakite (11) -hasierako bostekoa-, Howard (2), Nowell (6), Villar (-), Luwawu-Cabarrot (13), Joksimovic (-) eta Frisch (13).
97 - Paris Basketball (24+34+26+13): Robinson (19), Rhoden (16), Herrera (6), Cavaliere (-) eta Dokossi (2) -hasierako bostekoa-, Hifi (21), Hommes (6), Ouattara (3), Morgan (5), Stevens (11), Faye (2) eta Willis (6).
Epaileak: Sasa Pukl (Eslovenia), Gytis Vilius (Lituania), Milos Koljensic (Montenegro).
Nabarmentzekoa: 8.099 zale izan dira Buesa Arenan.
Zure interesekoa izan daiteke
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Sedekerskisi eskuineko orkatilan ebakuntza egin diote berriro, eta denboraldi honetan ez du gehiago jokatuko
Bigarrenez egin diote horrelako ebakuntza bat. Lehenengoa abenduaren 11n egin zioten. Lituaniarra Eurobasketen min hartu zuen. Soilik 20 partida jokatu ahal izan ditu denboraldi honetan.
Galbiati: "Sedekerskisek ezingo du denboraldi honetan gehiago jokatu"
Lituaniarraren bigarren ebakuntza izango da, urtarrilean egindakoa kontuan hartuta. Udan, bere selekzioarekin Eurobasket txapelketa jokatzen ari zela, orkatilean egin zuen min.
Kosner Baskoniak Kopako ajea ordaindu du Buesa Arenan Valentziaren aurka jipoia jasota (79-108)
Partida hasi aurretik Baskoniak Valentzian irabazitako Errege Kopa eskaini die zaleei kantxa erditik. Norgehiagoka lehen minutuetan hautsi da, eta Arabako taldea atzetik joan da neurketa osoan zehar.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.