Makabiren barne jokoak saririk gabe utzi du Baskonia, eta etxetik kanpo bolada txarra luzatu du (89-83)
Makabi Tel-Aviven barne jokoak aukerarik gabe utzi du Baskonia (89-83). Arabarrek kanpoko jaurtiketa gehiegi egin dituzte, eta ezin izan diete talde israeldarreko jokalari garaiei eutsi, nahiz eta bigarren zatian defentsa hobetu.
TJ Leafek eta Romain Sorkinek 30 puntu, 18 errebote eta 6 asistentzia lortu dituzte bien artean eta Jimmy Clarken bigarren zatia funtsezkoa izan da arabarrek etxetik kanpo jasotako bosgarren porrotean. Arabarrek erreakzionatu eta 66ra berdindu dute norgehiagoka, baina lau puntu baino ez dituzte sartu neurketako azken bost minutuetan.
Tim Luwawu-Cabarrot eta Kobi Simmons izan dira berriz ere Baskoniako onenak, baina talde gasteiztarrak protagonista gehiagoren falta sumatu du, eta partidaren azken txanpan jaurtiketa irekiak saskiratzea ez dute lortu.
Arabarren barneko jokalariak faltekin pilatu dira, eta horrek Paolo Galbiati bosteko oso txikiarekin jokatzera behartu du minutu askotan.
Fitxa teknikoa:
89 - Makabi Tel-Aviv (25+28+18+18): Blatt (4), Walker IV (10), Brissett (2), Sorkin (13) eta Hoard (17) -hasierako bostekoa-, Clark III (11), Rayman (3), Dowtin Jr. (10) eta Leaf (19).
83 - Baskonia (18+25+25+15): Simmons (12), Villar (-), Diallo (11), Sedekerskis (9) eta Diop (4) -hasierako bostekoa-, Nowell (4), Spagnolo (7), Diakite (5), Frisch (5), Luwawu-Cabarrot (19), Kurucs (2) eta Howard (5).
Epaileak: Robert Lottermoser (Alemania), Milivoje Jovcic (Serbia), Huseyin Celik (Turkia). Diakite (37.min) eta Kurucs (38.min) egotzi dituzte falta petsonalengatik. Diopi (20.min) falta teknikoa adierazio diote.
Euroligako 11. jardunaldiko neurketa Belgradeko (Serbia) Alexander Nikolic Hall pabiloian jokatu dute.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.