Baskoniak Paris Basketball taldearen etxean galdu du, 105-87, eta garaipenik gabe jarraitzen du Euroligan
Baskoniak Paris Basketballen aurka galdu zuen, 105-87, 2025-2026 denboraldiko fase erregularreko laugarren jardunaldian, Pariseko Adidas Arena pabiloian, asteazken gauean. Hala, Paolo Galbiatiren gizonek irabazi ezinik jarraitzen dute Europa mailako txapelketa nagusian, jokatutako lau partidetan garaipenik ez baitute lortu, eta, horrenbestez, behin-behinean, sailkapeneko azken postuan gaude, hogeigarren tokian.
Frantziako taldea neurketa osoan zehar ibili zen aurretik markagailuan, baina euskal taldeak azken laurdenean ere izan zen irabazteko lehian. Trent Forrest lesionatu egin zen, eta bigarren zatian ezin izan zuen jokatu, eta Markus Howardek ere izan zituen arazo fisikoak. Beste gakoetako bat izan zen Paris Basketballeko Nadir Hifi eskolta frantziarra oso ondo aritu zela erasoan, 29 puntu sartuta.
Baskoniak ez zuen asmatu defentsan, baina, atsedenaldian, etxekoek soilik lau puntuko aldea zuten, 51-47, eta horrek dena erabakitzeke uzten zuen bigarren zatiari begira. Hirugarren laurdenean, Gasteizko taldea puntu batera gerturatu zen (51-50 eta 60-59), eta azken laurdenean, 81-76koan, Galbiatiren taldeak lehian jarraitzen zuen. Azken minutuetan, baina, Paris Basketballek aldea handitu zuen, eta Baskoniak ezin izan zuen norgehiagokako tarte erabakigarrian garaipena eskuratzeko borrokan ibili.
Ostiralean, 20:45etik aurrera, Baskoniak Partizan Belgraden aurka jokatuko du, Buesa Arenan; Serbiako taldeak, oraingoz, bi garaipen eskuratu ditu, Euroligan.
Fitxa teknikoa
105 - Paris Basketball (30+21+26+26): Hifi (29), Ayayi (-), Morgan (12), M'Baye (10) eta Faye (6) -hasierako bostekoa- Robinson (21), Bako (2), Cavaliere (2), Dokossi (5), Herrera (11), Ouattara (-) eta Willis (7).
87 - Baskonia (21+26+24+16): Nowell (12), Diallo (15), Luwawu-Cabarrot (20), Sedekerskis (11) eta Diakite (1) -hasierako bostekoa-, Howard (-), Villar (-), Forrest (6), Spagnolo (2), Diop (-), Frisch (3) eta Samanic (15).
Epaileak: Sreten Radovic (Kroazia), Milos Koljensic (Montenegro), Denis Hadzic (Kroazia).
Nabarmentzekoa: 4.976 zale izan ziren Pariseko Adidas Arenan.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.