Baskoniak azken segundoan galdu du Panathinaikosen aurka, Gasteizen (84-86)
Baskoniak azken segundoan galdu du (84-86) Panathinaikosen aurka, 2025-2026 denboraldiko Euroligako fase erregularreko hirugarren jardunaldian, ostegun gauean, Buesa Arenan. Euskal taldeak partidako azken segundoan jaso du norgehiagokan erabakigarria izan den saskiratzea, azken minutuetan markagailua bikain irauli ostean. Horrenbestez, oraindik ez du garaipenik eskuratu Europa mailako txapelketarik handienean.
Neurketako aurreneko 20 minutuetan, Panathinaikosek kontrolpean izan du markagailua, baita jokoaren erritmoa ere. Greziako taldeak 13 puntuko abantaila ere izan du bere alde: 19-32. Baskonia, baina, suspertu egin da bigarren laurdenean, eta, 15-5eko partziala lortuta, 3 puntura jarri da (34-37). Lehen zatiaren amaieran, Panathinaikos 6 puntuz ari zen gailentzen, 36-42. Partidaren une horretan, Timothe Luwawu-Cabarrotek zeramatzan punturik gehien, Baskonian, 9, eta Tren Forrestek 7 zituen sartuta.
Bigarren zatian heldu dira emozioa, bi taldeentzako aukerak eta minutu ikusgarriak. Amaiera ez da ona izan Baskoniarentzat, baina nola gertatu den ikusita, zaleek baikor egoteko arrazoirik badute. Hirugarren laurdenean, Panathinaikos gehiago izan da; Greziako taldeak 17 puntuko aldea lortu du (54-71). Paolo Galbiatiren taldeak, baina, ez du amore eman, eta amaierara arte izan da lehian. Bi minutu bikain jokatuta, partida amaitzeko 2 minutu eta 8 segundo falta zirenean Baskonia 9 puntu atzetik izan arren, etxeko taldeak markagailua parekatu du, 84-84. Neurketako azken jokaldian, baina, Kendrick Nunnek, saskiratze ederra sartuta, garaipena eman dio bere taldeari. Modu ankerrean ihes egin dio Baskoniari partidak, azken segundoan.
Fitxa teknikoa
84 - Baskonia (14+22+20+28): Forrest (15), Howard (-), Diallo (15), Sedekerskis (10) eta Diakite (6); Nowell (11), Luwawu-Cabarrot (16), Kurucs (7), Spagnolo (1), Diop (3) eta Samanic (-).
86 - Panathinaikos (20+22+29+15): Grant (2), Nunn (30), Osman (20), Hernangomez (15) eta Yurtseven (-); Sloukas (2), Shorts (5), Grigonis (-), Mitoglu (6), Rogkavopoulos (2), Samodurov (-) eta Holmes (4).
Epaileak: Damir Javor (Eslovenia), Luka Kardum (Kroazia), Huseyin Celik (Turkia).
Nabarmentzekoa: 8.662 zale izan dira Buesa Arenan.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.