Baskoniak argi galdu du Makabiren kontra (113-85), eta Virtus Bolonia aurkari izango du jokoan play-offa
Baskoniak Makabi Tel Aviven kontra galdu du, 113-85, asteartean, Belgradeko Stark Arenan, 2023-24 denboraldiko Euroligako play-ineko lehenengo partidan. Hala, Gasteizko taldeak ostiralean jokatuko du berriro, play-in horretan, Virtus Bolonia aurkari, eta neurketa horretako irabazleak Euroligako play-offerako txartel bat jasoko du sari gisa.
Belgraden, Baskoniak ez du garaipena lortzeko inolako aukerarik; Makabi Tel Avivek hobeto jokatu du, eta gehiago izan da. Kontuan izanik Istanbulen Virtus Boloniak Anadolu Efes menderatu duela, euskal taldea eta Italiakoa arituko dira nor baino nor gehiago play-off horretarako sailkatzea erdietsi nahirik.
Belgraden jokatutako partidari dagokionez, lehenengo zatian albiste txarrak baino ez dira izan Gasteizko taldearentzat. Makabi Tel Avivek 19 puntuko aldea izan du norgehiagoka atsedenaldira iritsi denean, eta 24ko aldea ere izan du, 55-31koan. Lorenzo Brownek 21 puntu sartu ditu aurreneko bi laurdenetan; bost hiruko saskiratze egin ditu, sei jaurtiketatan. Israelgo taldea errebotean ere nagusitu da. Hori gutxi balitz bezala, Baskoniak ikusi du nola Chima Monekek min hartu duen belaunean, eta, horregatik, ezin izan du berriro jokatu neurketan.
Hirugarren laurdeneko hasieran, Ivanovicen taldea 14 puntura jarri da, 0-10eko partziala burututa, 55-41ekoan; baina erreakzio horrek ez du jarraipenik izan. Jokatzeko azken hamar minutuak gelditzen zirela, markagailua 86-61ekoa zen, eta argi zirudien Baskoniak ez zuela izango aukerarik garaipena lehiatzeko.
Makabi Tel Avivek beste 27 puntu lortu ditu azken laurdenean; azken emaitza 113-85ekoa izan da. Codi Miller-McIntyrek 32 puntu sartu ditu guztira, baina lan on horrek ez du balio izan Makabiren erakustaldiari aurre egin ahal izateko. Horrenbestez, Israelgo taldeak Panathinaikos izango du aurkari play-offean, eta Baskonia, aldiz, ostiraleko partida erabakigarria dabil prestatzen dagoeneko, play-off horretarako sailkatzea helburu, Virtus Boloniaren aurka.
Fitxa teknikoa
113 - Makabi Tel Aviv (28+27+31+27): Baldwin IV (26), Brown (29), Colson (14), Cohen (3) eta Nebo (4) -hasierako bostekoa-, Cleveland (11), Webb III (8), Thomasson (-), Rivero (8) eta Blatt (10).
85 - Baskonia (15+21+25+24): Miller-McIntyre (32), Marinkovic (5), Sedekerskis (11), Moneke (-) eta Kotsar (6) - hasierako bostekoa -, Howard (14), Raieste (-), Chiozza (-), Theodore (2), Díez (-) eta Rogkavopoulos (10).
Epaileak: Fernando Rocha (Portugal), Matej Boltauzer (Eslovenia) eta Robert Lottermoser (Alemania). Ez dute inor kanporatu.
Gertakizunak: Euroligako play-ineko lehen partida, Belgradeko Stark Arenan. 300 zale izan dira bertan.
Zure interesekoa izan daiteke
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.