Baskonia 'Top 6'tik aldendu da Belgraden, Partizanen kontra galdu ostean
Baskoniak galdu egin zuen asteartean Partizan Belgraderen kontra (87-83), Euroligako Fase Erregularreko 30. jardunaldian, Markus Howard eskolta estatubatuarrak partida ona egin arren. Hala, Playoffetara sailkapen zuzena ematen duten 'Top 6' postuetatik aldendu da talde gasteiztarra. Hori dela eta, Play-In posturen bat bermatu beharko du orain.
Atzetik ibili ziren Dusko Ivanovicen mutilak partida osoan, eta aurrean zuen Partizan serbiarra gogotsu kantxaratu zen, Bruno Caboclok eta Frank Kaminskyk gidatuta. 18 puntu, 13 errebote, eta 28 balorazio-puntu lortu zituen Caboclok; Kaminskyk, berriz, 20 puntu.
Howardek saskiratutako 26 puntuak ere ez ziren nahikoa izan porrota saihesteko. Lau garaipen jarraian zeramatzan Baskoniak, horietako bi Europako Txapelketan. Sailkapenean bederatzigarren daude orain, Play-In faseko azken aurreko tokian, Zalgiris Kaunasen aurka Fase Erregularreko azken jardunaldi bikoitza jokatzeke dutela.
Baskoniak trabatuta ekin zion norgehiagokari; Partizanek, berriz, gehiago asmatu zuen. Lehen laurdenaren amaieran, Gasteizko taldea 23-16 galtzen ari zen. Zeljko Obradovicen boskotea errenta handitzen joan zen, baina Baskoniak partidan sartuta jarraitu zuenez, bigarren laurdenaren amaieran bi puntuko desabantaila baino ez zuen (44-42).
10-2ko aurkako partziala zutela hasi zuten hirugarren laurdena, eta egoera zaildu zen Ivanovicen taldearentzat: 54-44. Howard soilik zen gai, 20 punturekin, taldea ekinean mantentzeko. Bederatzi puntuz galtzen heldu ziren azken laurdenera: 69-60.
Azken txanpan, Partizango jokalariak urduritu egin ziren. 39 segundo geratzen zirela, Baskonia asko hurbildu zitzaien markagailuan (85-83). Dena den, Dozierren saskiratzen batek zalantzak argitu, eta Baskonia porrotera eraman zuen: 87-83.
Fitxa teknikoa
Partizan: Dozier (6), Punter (18), Ponitka (6), Caboclo (18) y Kaminsky (20) -hasierako boskotea-; Avramovic (9), Andjusic (3), Jaramaz (2), Nunnally (3), Smailagic (-), Trifunovic (2) eta Koprivica (-).
Baskonia: Miller-McIntyre (4), Howard (26), Sedekerskis (6), Marinkovic (11) y Kotsar (2) -hasierako boskote-; Costello (13), Moneke (13), Theodore (4), Raieste (-), Díez (-), Rogkavopoulos (2) eta Chiozza (2).
-Partzialak: 23-16, 21-26, 25-18 eta 18-23.
-Epaileak: Lottermoser, Vilius eta Vyklicky.
-Pabiloia: Stark Arena.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.