Baskoniak mendean hartu du Alba Berlin (88-71)
Baskoniak 88-71 irabazi dio Alba Berlini, ostiral honetan Buesa Arenan jokatutako partidan, eta, ondorioz, Euroligan zeraman bolada txarrari amaiera eman dio, azken bost norgehiagoketako lau galdu ostean. Markagailuak alde handia erakusten badu ere, Dusko Ivanovicen taldeak ez du bere mailarik onena eman Euroligako azkenaren aurrean.
Edonola ere, partidaren lehen zatian 13 puntuko tartea egiteko gai izan da etxeko taldea, eta hortik aurrera Gasteizko taldeak ez du aparteko estuasunik izan. Codi Miller-McIntyre izan da Baskonian onena: 14 puntu sartu eta 10 asistentzia eman ditu. Alemaniako taldea saiatu da, baina asko nabaritu dute Gabriele Procida eta Johannes Thiemann jokalarien hutsunea.
Bigarren laurdenean, Albak hobera egin du, Martin Hermannsson kantxan sartu denean. Alabaina, une horretan Moneke eta Miller-McIntyre jaurtiketetan asmatzen hasi dira, eta Baskonia 8 puntuko aldearekin joan da atsedenaldira (42-34).
Hirugarren laurdenean, Baskoniak 10 puntuko aldeari eutsi dio, ia une oro, eta 20 puntura handitu da bi taldeen arteko aldea azken zatian (69-49). Markagailu horren ondorioz, Ivanovicen mutilek erritmoa moteldu dute, eta Berlinek aukera hori baliatu du aldea 8 puntura murrizteko (80-71).
Hala eta guztiz ere, ezerezean geratu da alemaniarren azken ahalegin hori, eta partida 88-71 amaitu da. Horrenbestez, baskoniarrek play-in postuetan jarraitzen dute; Alba Berlinek, ostera, azken tokian segitzen du Euroligako sailkapenean.
FITXA TEKNIKOA
88 - Baskonia: Miller-McIntyre (14), Howard (8), Marinkovic (15), Sedekerskis (9) eta Kotsar (9) -hasierako boskotea-; Moneke (16), Theodore (2), Raieste (-), Costello (8) eta Rogkavopoulos (7).
71 – Alba Berlin: Hermannsson (3), Delow (3), Schneider (-), Wetzell (10) eta Thomas (12) -hasierako boskotea-; Koumadje (12), Mattisseck (2), Olinde (8), Samar (3), Rapieque (11) eta Brown (7).
Partzialak: 23-10, 19-24, 21-13 eta 25-24.
Epaileak: Radovic, Zamojski, Rossi. Ez dute inor kanporatu.
Pabiloia: Fernando Buesa Arena, 8.226 ikusle.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.