Baskoniak garrantzi handiko garaipena eskuratu du Izar Gorriaren aurka, 90-91, Belgraden
Baskoniak garrantzi handiko garaipena eskuratu du, ostegunean, Izar Gorriaren aurka, 90-91, Belgraden, 2023-24 denboraldiko Euroligako hogeita bigarren jardunaldian. Dusko Ivanovicen taldearen garaipenaren gakoa hirugarren laurdenean izan da; izan ere, orduan, Baskoniak bikain irauli du markagailua. Markus Howardek 32 puntu sartu ditu, eta Baskonia, behin-behinean, Euroligako zazpigarren postuan jarri da, 22 jardunalditan 12 partida irabazita.
Chima Monekek hamabi errebote hartu ditu, eta bereziki azken segundoetan erasoan hartutako bat izan da erabakigarria; gainera, Vanja Marinkovicek, hiruko bost jaurtiketa gauzatu ostean, funtsezkoak izan diren bi jaurtiketa libre sartu ditu. Lehen zatian, partida oso zaila jarri zaio Baskoniari, baina atsedenaldiaren ostean asko aldatu da. Markus Howard oso ondo aritu da, eta zazpi aldiz asmatu du hiru puntuko jaurtiketetan.
Baskoniak 12 puntuko aldea lortu du, beste horrenbeste iraulita, baina Izar Gorriak ez du amore eman, Yago Dos Santosek gidatuta; azken horrek 26 puntu sartu ditu, hau da, Euroligan bere ibilbidean markarik handiena ezarri du, puntuei dagokienez.
Kanpoko jaurtiketek markatu dute partidako hasiera, eta Izar Gorria nabarmendu da arlo horretan. Baskonia bigarren laurdenean sartu da lehian, baina aurkaria asko ari zen asmatzen jaurtiketetan, eta, hala, etxeko taldeak hamar bat puntuko aldea zuen, Nikos Rogkavopoulos oso ondo jokatzen ari zen arren.
Rokas Giedraitisek sartutako bost punturi esker, Izar Gorriak alde handiagoa erdietsi du, baina Baskoniak, hiruko saskiratzeak gauzatuta, partida berdintzeko aukerari eutsi dio. Atsedenaldian, neurketa 52-43 zihoan, eta hirugarren laurdenean, Markus Howardek jarraian eskuratutako bederatzi puntuak eta taldeak egindako defentsa ona tarteko, Dusko Ivanovicen gizonek parekatu egin dute markagailua (54-54). Howard ezin hobeto zebilen, eta Gasteizko taldea 62-69 jarri du aurretik, azken laurdena jokatu aurretik. Azken laurden horretan, baina, Yago Dos Santosek eta Rokas Giedraitisek 83-84 utzi dute norgehiagoka, amaierarako bi minutu baino gutxiago falta zirenean.
Une erabakigarrietan, Chima Monekek erasoko errebote oso garrantzitsu bat hartu du, eta, jarraian, Vanja Marinkovicek ez du huts egin jaurtiketa libreetan, Baskoniari garaipena emateko (90-91).
Fitxa teknikoa
90 – Izar Gorria (30+22+10+28): Dos Santos (26), Lazic (6), Giedraitis (13), Mitrovic (6) eta Bolomboy (9) ¿hasierako taldea¿; Smart (11), Davidovac (9), Hanga (10) eta Gillespie (-).
91 - Baskonia (20+23+26+22): Miller-McIntyre (3), Howard (32), Marinkovic (18), Sedekerskis (-) eta Kotsar (4) ¿hasierako taldea¿; Raieste (-), Diez (3), Rogkavopoulos (8), Costello (10) eta Moneke (13).
Epaileak: Matej Boltauzer (Eslovenia), Milan Nedovic (Eslovenia) eta Huseyin Celik (Turkia). Costello kanporatu dute 39. minutuan, bosgarren falta adierazita, eta Dos Santosi kirolez kontrako falta adierazi diote 9. minutuan.
Gertakizunak: Euroligako 22. jardunaldiko partida. Belgradeko Stark Arenan jokatu dute.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.