Baskoniak azken laurdenean erabaki du Efesen aurkako partida (80-87)
Baskoniak 80 eta 87 garaitu du Andaolu Efes, Euroligako 16. jardunaldiko partidan, azken laurdenean egindako ahaleginari esker. Horrela, Gasteizko taldea garaipenaren bidera itzuli da, eta Efesek sailkapenean gora egiteko aukera galdu du.
Dusko Ivanovicen taldeak 9 garaipen eta 7 porrot ditu orain, eta 'Top 6'an sartzeko apustuari eusten dio. Bigarren partida jarraian jokatu dute arabarrek Euroligan etxetik kanpo, baina Makabiren aurka ez bezala, oraingoan gasolina nahikoa izan dute azken minutuetan 20 eta 30eko partziala egin eta Efesen asmo guztiak ezerezean uzteko.
Arabarren artean, Markus Howard izan da izar nagusia, neurketa biribila eginda.
Minutuek aurrera egin ahala, hobera egin du Baskoniak, batez ere Howard eta Moneke kantxan izan direnean. Hala ere, markagailuan ez da alde handirik zabaltzeko gai izan. Turkiarrak neurketan sartuta egon dira, hiruko jaurtiketetan huts ugari egin dituzten arren. Larkin Baskoniako jokalari ohia ez da espero bezain fin ibili lehen zatian.
Efeseko izarra bigarren zatian agertu da, eta guztira 23 puntu egin ditu, baina taldekideek ez dute asko lagundu. Howardek, aldiz, taldekideen babesa izan du. Hirugarren laurdenean, Larkinen eta Howarden arteko lehia izan da protagonista, baina azkenean Baskoniak argi utzi du talde indartsuagoa dela.
Fitxa teknikoa
80 - Anadolu Efes (17+19+24+20): Thompson (8), Larkin (23), Bryant (8), Osmani (8) eta Oturu (14) —hasierako boskotea—; Gazi (3), Zizic (2), Beaubois (5), Jones (4), Hollatz (2) eta Daum (3).
87 - Baskonia (17+19+21+30): Miller-McIntyre (14), Marinkovic (14), Raieste (-), Sedekerskis (11) eta Kotsar (-) —hasierako boskotea—; Chiozza (2), Rogkavopoulos (5), Howard (28), Diop (-) eta Moneke (13).
Epaileak: Ilija Belosevic (Serbia), Rain Peerandi (Estonia), Thomas Bissuel (Frantzia). Howard (40. min) falta pertsonalen ondorioz kaleratu dute. Efeseko Otururi falta teknikoa adierazi diote (16. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.