Play-offetarako sailkatzeko aukerak ditu Baskoniak, abian den Euroligan
Ostegun honetan abiatuko da 2023-2024 denboraldiko Euroliga, Real Madrilek defendatuko duen titulua lortzeko xedez. Horien artean, Baskonia dago, play-offetarako bidean. Gasteizko taldeak etxean jokatuko du lehen neurketa, Real Madril txapeldunaren kontra, hain zuzen ere. Hitzordua ostiral honetan, urriak 6, izango da, 20:30etik aurrera.
Apirilaren 12ra arte luzatuko den Fase Erregularrarekin hasiko dute lehia 16 taldeek, 'play-in' izeneko berrikuntza tartean dela. Horren arabera, NBAn gertatzen den moduan, zazpigarren, zortzigarren, bederatzigarren eta hamargarren sailkatuek elkarren artean jokatuko dituzte hurrengo fasera igarotzeko bi toki.
Edizio honetan, klub batek baino gehiagok taldea indartzeko fitxaketak egin ditu, NBAn gustura ez dauden jokalariak ekarrita. Izan ere, kirolari horientzat txapelketa erakargarria da Europakoa, kirol-mailagatik eta harmailetan bizi den giro bikainagatik.
Besteak beste, Kemba Walker 33 urteko basea fitxatu du Monakok. Lau aldiz "All-Star" izan da Walker. Frantziako taldea Euroligako lau onenen artean sailkatu zen iragan sasoian.
Horrez gain, Juancho eta Willy Hernangomez Europara bueltatu dira, Panathinaikos talde greziarrean eta Bartzelonan jokatzeko. Era berean, Jabari Parker ere Kataluniara joan dela aipatu beharra dago: 2014an, NBAko drafteko bigarren aukeratu zuten, Milwaukee Bucks taldean.
Serge Ibakak, bere aldetik, Pablo Lasoren Bayernen aritzeko erabakia hartu du. Ibakak NBAko eraztuna irabazi zuen 2019. urtean, eta AEBn jokatzen zuen 2009az gero.
Garbi dago oso lehia irekia eta handia espero dela, Real Madril egungo txapeldunaren tokia hartzeko asmoa duten talde lehiakorrekin.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.