Makabiren hirukoen jarioak erantzunik gabe utzi du Kirolbet Baskonia (83-113)
Kirolbet Baskoniak ezin izan dio aurre egin Makabik ostegun honetan Buesa Arenan azaldu duen jardun bikainari. Euroligako 8. jardunaldiko norgehiagokan, israeldarrek erantzunik gabe utzi dute etxeko taldea, lehen zatian hiruko marratik izan duten jario beldurgarria dela medio (32-55, atsedenaldian). Halaber, eraginkortasun horrek jarraipena izan du hirugarren laurdenera arte; izan ere, hiruko 23 jaurtiketa egin eta 15 asmatu dituzte ordura arte (% 65eko eraginkortasuna).
Thornike Shengelia kapitainaren ekarpen apartak (31 puntu, 8 errebote eta 32ko balorazioa) Patricio Garinoren laguntza besterik ez du jaso bigarren zatian (24 puntu), Baskoniako gainerako jokalariak ezinean aritu baitira defentsan gogor agertu den talde horiaren aurrean. Gainera, Shavon Shieldsek min hartuta utzi behar izan du kantxa lehen minutua bete denean, aurkari batekin tupust egin eta sorbaldan min hartu eta gero.
Makabiren aldetik, ostera, bost jokalari ibili dira hamar puntutik gorako puntu kopuruarekin. Onena Scottie Wilbekin izan da (20 puntu), baina Bryant (19), Wolters (14), Dibartolomeo (14) eta Dorsey (12) ere oso fin ibili dira kanpoko lerrotik saskira begira.
Partida amaitu denerako Makabiren hiruko jaurtiketen ehunekoak behera egin du, baina, hala ere, aparteko marka ezarri dute: % 58ko eraginkortasuna, hiruko 29 jaurtiketa egin eta 17 sartu baitituzte.
Porrot honek sailkapeneko 12. postuan kokatu du Perasovicen taldea, 3 garaipen eta 5 porrotekin. Makabi, ordea, sailkapeneko lehena da, CSKA Moskuk Fenerbahçerekin jokatu behar duen neurketaren emaitzaren faltan.
Fitxa teknikoa:
83 – Kirolbet Baskonia (21+11+26+25): Vildoza (6), Janning (2), Shields (0), Shengelia (31) eta Eric (2) –hasierako bostekoa–; Henry (7), Diop (0), Fall (2), Stauskas (7), Garino (24) eta Polonara (2).
113 – Maccabi Fox Tel Aviv (28+27+31+27): Wolters (14), Wilbekin (20), Zoosman (4) Acy (7) eta Black (8) –hasierako bostekoa–; Bryant (19), Hunter (10), Sandy Cohen (0), Dorsey (12), Dibartolomeo (14) eta Jake Cohen (2).
Epaileak: Borys Ryzhyk (Ukraina), Milan Nedovic (Eslovenia) eta Uros Nikolic (Serbia). Tarik Black kanporatu dute faltengatik (33. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.